На 10 октомври 2026 година, во 21:20 часот, на регионалниот пат од крстосницата за село Ѓавато до крстосницата за село Богородица, во гевгелиско, се случила сообраќајна несреќа во која учествувал мотоцикл „БМВ“ со гевгелиски регистарски ознаки.
Мотоциклот, управуван од 32-годишник од Гевгелија, удрил во дива свиња која излегла на патот.
Во несреќата со тешки телесни повреди се здобиле и возачот и неговата 30-годишна сопатничка, исто така од Гевгелија.
Повредите биле констатирани во Медицинскиот центар Гевгелија.
Увид на местото на настанот извршила екипа на Полициската станица Гевгелија, а случајот е пријавен во ОВР Гевгелија.