Поради одржувањето на Светското првенство во риболов на Мавровското Езеро, риболовот е забранет, како и употребата на пловни средства.
Јавното претпријатие Национален парк „Маврово“ информира дека забраната за спортски, рекреативен и секаков друг вид риболов стапува на сила на 26 август и ќе трае до 7 септември 2026 година, односно до целосното завршување на првенството.
Одлуката е донесена со цел заштита на рибите пуштени специјално за натпреварот, што е официјален настан од највисок ранг во рамките на FIPSed.
Во истиот период, пловидбата и употребата на сите пловни возила во Мавровско Езеро е исто така забранета, односно соодветно ограничена.
Забраната не се однесува на пловилата на полицијата, службите за спасување и другите надлежни институции, кога нивната употреба е неопходна за безбедноста и организацијата на настанот.
Националниот парк ги известува спортските риболовци и другите корисници на езерото да ги почитуваат мерките во текот на наведениот период.