Во населба во Ниш 65-годишен маж бил избоден во стомакот по расправија за гребнатинка на автомобил на соседот.
Ранетиот маж бил однесен во болница околу 14 часот со тешки повреди, објавува N1 Srbija.
На расправијата ѝ претходела мала „несреќа“: Според сведоците, „Реното“ во сопственост на 65-годишникот само тргнало по удолнина и удрило во паркираниот „Фолксваген“ на соседот, при што го изгребал.
„Сопственикот на оштетениот „Фолксваген“ почнал да го вика сопственикот на „Реното“, извадил нож од својот автомобил и го прободел во стомакот“, изјавил еден од сведоците за агенцијата Бета.
Според сведоците, ранетиот маж успеал да го препаркира автомобилот и да влезе во зградата и покрај повредата. Напаѓачот го следел со нож во рака. Потоа му пресекол гума и удирал со ножот по каросеријата на автомобилот,и продолжил да му се заканува.
Полициската управа во Ниш потврди дека 43-годишниот напаѓач избегал од местото на настанот, но набрзо бил пронајден и уапсен од полицијата.
Повредениот маж е хоспитализиран и чека операција. Полицијата ги истражува околностите на инцидентот.