По барање од Косово, македонски хеликоптер денеска првпат беше упатен во мисија надвор од Македонија, помагајќи во гасењето пожар во реонот на Елез Хан.
„По приемот на барањето, како директор на Центарот за управување со кризи, бев во директна и континуирана координација со сите надлежни институции, заедно со Стојанче Ангелов, раководител на Главниот штаб, со цел навремено активирање на нашите капацитети и обезбедување помош за справување со големиот пожар што ја зафати нашата соседна држава“, изјави директорот на ЦУК, Мухамед Али.
„Ова не е само интервенција за гаснење пожар. Ова е историски момент и потврда на нашата подготвеност да им помогнеме на нашите соседи, но и пошироко, секогаш кога тоа е најпотребно“, додаде тој.