Македонија

Македонците со нови чекори пред институциите за бугарската пропаганда во Албанија

Васил Стерјовски за СОТ7 проговори за бугарската пропаганда во Албанија и битката за македонскиот идентитет

Претседателот на Македонската алијанса за европска интеграција (МАЕИ), Васил Стерјовски, гостуваше во албанската телевизија СОТ7, каде говореше за состојбата на македонската заедница во Општина Пустец и за активностите на бугарските фондации во Преспа и Албанија.

Во разговорот со новинарот Илир Шута, Стерјовски се осврна на донациите од бугарски фондации, но и на, како што истакна, политичката и идентитетската заднина на овие активности.

Стерјовски нагласи дека македонската заедница не е против инвестиции и помош од која било држава или организација, но дека тие не треба да се користат за влијание врз националниот идентитет на жителите.

Во интервјуто беа отворени и прашањата за бугарските активности за време на пописот во Албанија, работата на фондацијата „Бугарска меморија“, како и за судскиот спор меѓу фондацијата и МАЕИ.

Стерјовски најави и нови правни чекори пред албанските институции во врска со активностите и финансиското работење на бугарските фондации во Албанија.

Целиот разговор, во кој се отвораат низа прашања поврзани со положбата и идентитетот на Македонците во Албанија, „Македониум“ го објавува во прилог на оваа вест.

Погледнете го целото интервју во видеото.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

To top