Некогашниот лидер на ЛДП кој сега е секретар за меѓународна соработка на СДСМ тврди дека владеачката ВМРО-ДПМНЕ имала сериозен проблем за кој ќе биде казнета и дека правдата ќе си го најде својот пат.
Според Жерновски граѓаните биле подготвени да ја бранат Македонија но не кажува дали ќе ја бранат и Северна Македонија која го смени името кога Жерновски беше во владата на СДСМ и ДУИ.
,,Има еден проблем сериозен со којшто се соочува денеска ВМРО и партијата на Мицкоски, а тоа е што таа политика веќе е прочитана од страна на граѓаните.
Граѓаните на нашата земја се спремни, се подготвени да ја бранат Македонија. Тие нема да дозволат да бидат нарекувани талог, тиња, само затоа што размислуваат поинаку од Мицкоски.
Таквата политика на крај, во секој случај, ќе биде казнета”, вели Жерновски кој сака да потенцира дека СДСМ упорно и докрај ќе продолжи да се спротивставува на политиката на поделби, ќе продолжи понатаму да го брани правото на слободно размислување, правото на говор.
,,Секој граѓанин го има тоа право и ќе ја брани политиката на Европска Унија, односно иднината на нашата земја, која припаѓа на политиката на Европската унија.
Ќе ја вратиме власта во рацете на граѓаните, а криминалците во рацете на правдата.
Граѓаните ќе победат, Македонија ќе победи”, порача Жерновски на прес конференција.