Македонија

Бугарска пресуда за Македонци во Бугарија тема на дебата пред Комитетот на министри на Советот на Европа

Дел од Македонците на кои се однесува пресудата на судот во Стразбур се веќе мртви

Европскиот суд за човекови права пред 20 години донесол пресуда дека Бугарија ја прекршила слободата на здружување со одбивањето да ја регистрира ОМО „Илинден“.

Оваа пресуда деновиве ќе биде тема на расправа пред Комитетот на министри на Советот на Европа.

Комитетот на министри на Советот на Европа од 15 до 17 септември ја одржува својата квартална седница за надзор над извршувањето на пресудите и одлуките на Европскиот суд за човекови права во Стразбур.

Предметите предложени за детално разгледување се однесуваат на Албанија, Ерменија, Азербејџан, Белгија, Босна и Херцеговина, Бугарија, Хрватска, Грузија, Грција, Унгарија, Италија, Република Молдавија, Македонија, Норвешка, Полска, Португалија, Романија, Руската Федерација, Србија, Турција и Украина.

Одлуките донесени од Комитетот на министри за време на седницата оваа недела ќе бидат објавени на веб-страницата на Советот на Европа во петок, 18 септември.

Согласно член 46 од Европската конвенција за човекови права, пресудите на Европскиот суд за човекови права се обврзувачки за засегнатите држави.

Комитетот на министри врши надзор над извршувањето на пресудите врз основа на информации доставени од националните власти, жалителите, организациите на граѓанското општество, националните институции за човекови права (НИЧП) и други заинтересирани страни.

Во Стразбур на 19 јануари 2006 година Европскиот суд за човекови права (ЕСЧП) утврдил дека Бугарија го прекршила член 11 од Европската конвенција за човекови права – правото на слобода на здружување – со одбивањето на бугарските судови да ја регистрираат Обединетата македонска организација „Илинден“ (ОМО „Илинден“) во 1998-1999 година.

20 години подоцна Бугарија сеуште не ја спровела пресудата за Илинден.

Најнови вести од: Македонија

Николоски од Виена: Реализираме инфраструктурни проекти вредни до 6 милијарди евра

Николоски нагласи и дека на Македонија ѝ се потребни меѓународни пријатели и силни партнерства, додавајќи дека преку ваквите форуми се создаваат можности за нови форми на институционална соработка со европските партнери.

(Фото): Ова е најтешкиот буџет, се враќаат две милијарди евра, ќе има и поголеми плати, најави министерката за финансии

Јавниот долг заклучно со третиот квартал годинава, според податоците од Министерството за финансии, изнесува 10 милијарди 930 милиони евра или 56,6 проценти од БДП. До крајот на годината, во согласност со сегашните проекции, би требало да изнесува 11.250 милиони евра или 58,2 проценти од БДП, а државниот долг да биде 51 процент.

Уставни измени во 2001: Треба да се спречи Македонија и целосно да ја изгуби својата „македонска душа“ како држава! (3)

Ноемвриските уставни амандмани од 2001 година „инсталираа“ „фабрички дефект“ во функционирањето на политичкиот систем преку воведувањето на „консензуалната“, „договорна демократија“, предвидена да ја практикуваат „етничките поглавари“ на Македонците и Албанците. Експертите посочуваат дека таквата „договорна демократија“ ја претвори Македонија во непрогласена „двонационална држава“ со „отворена перспектива“ наместо унитарна држава да стане и „двокантонална федерација“, или можеби и конфедерација. Сегашната претседателка на Република Македонија Гордана Силјановска-Давкова учествувајќи на една научна расправа во МАНУ пред 19 години, тогаш како професорка по уставно право и уставен систем, констатираше дека „во 2001 година врз македонската држава беше спроведен рамковен и уставен инженеринг во режија на меѓународната заедница“. Силјановска-Давкова уште тогаш имаше изнесено предупредување дека е реална заканата „Македонија да стане ‘држава без душа“.

Мицкоски за ужасниот напад врз девојката во Охрид: Жестоко го осудувам ова дивјаштво! – Сѐ ќе сториме сторителот да одговара пред правда!

Премиерот Христијан Мицкоски упати остра осуда за нападот врз младата девојка во Охрид, изразувајќи поддршка до нејзиното семејство, ветувајќи дека институциите ќе сторат сè сторителот да биде изведен пред лицето на правдата.

To top