Столе Димитриевски ја сочува својата мрежа и беше еден од најзаслужните за првата победа на Валенсија во шпанската фудбалска Ла Лига од 1:0 на гостувањето кај Алавес во шестото коло.
Голманот на „лилјаците“ и на македонската репрезентација запиша три успешни интервенции, вклучувајќи ја и таа во судиското продолжение, за што ја подели највисоката оценка 7,6 со МВП на мечот и соиграч Пепелу.
Под водство на новиот привремен тренер Оскар Санчес, Валенсија ги однесе трите бода со голот на Луис Риоха во 78. минута и побегна од дното на табелата на 17. место со 4 бода.
🧤 @Dimitrievski1 #AlavésValencia #LaLigaHighlights pic.twitter.com/T3N1P4ElGm
— Valencia CF (@valenciacf) September 15, 2026