Бизнис

Ефикасната даночна политика – клучна за пад на неформалната економија и унапредување на даночната правичност

Учеството на УЈП на конференцијата претставуваше значаен придонес кон стручната и академската дискусија за унапредување на даночниот систем, намалување на неформалната економија и создавање услови за поголема даночна правичност и фер конкуренција.

????????????????????????????????????

Директорката на Управата за јавни приходи, Елена Петрова, заедно со помошниците директори, учествуваше на меѓународната академска конференција на тема „Даночна политика, нееднаквост и неформална економија“, која во периодот од 11 до 13 септември се одржа во Охрид. Конференцијата се реализираше во рамки на проектот „Иновативни научни решенија за намалување на социјалната нееднаквост и неформалната економија во Република Северна Македонија преку даночна регулатива“, финансиран од Владата на Македонија.

На тркалезната маса на тема „Експертски перспективи за клучните прашања во даночната политика“ учествуваа истакнати професори и истражувачи од областа на даночното право и економските науки од Македонија, Србија, Хрватска, Бугарија, Полска, Шведска и други земји. Тие ги пренесоа реформските искуства од други јурисдикции и даночни администрации, насочени кон создавање ефикасен и праведен даночен систем.

Директорката Петрова направи краток осврт на мерките на македонската даночна администрација за зголемување на даночната усогласеност, при што заклучи дека предлозите од научните кругови се совпаѓаат со добрите практики на даночните администрации. Како значајни инструменти во оваа насока, таа ги издвои дигитализацијата на даночните процеси, електронската размена на податоци, анализата на ризик и таргетираните контроли. Овие механизми, како што посочи, истовремено придонесуваат за намалување на административниот товар за даночните обврзници и за зголемување на ефикасноста на даночната администрација.

  • „Дигитализацијата не треба да ја гледаме само како инструмент за контрола. Таа треба да го намалува и трошокот на усогласеноста за даночниот обврзник“, рече директорката.

Директорката Петрова исто така посочи дека со дигитализацијата Управата за јавни приходи станува „складиште“ на податоци достапни за информирање на креаторите на политиките, со цел процена на ефективноста на тековните и воведување нови даночни мерки, со крајна цел даночниот систем да биде праведен и да не генерира социјална нееднаквост. На конференцијата беше нагласено и значењето на довербата и доброволното даночно усогласување како основа за одржлив даночен систем и фер деловно опкружување.

  • „Доброволното почитување не може да се изгради само со контрола и санкции. Потребна е доверба дека правилата се фер, дека се применуваат еднакво и дека формалниот бизнис е заштитен од нелојалната конкуренција“, истакна Елена Петрова.

Учеството на Управата за јавни приходи на конференцијата претставуваше значаен придонес кон стручната и академската дискусија за унапредување на даночниот систем, намалување на неформалната економија и создавање услови за поголема даночна правичност и фер конкуренција.

Најнови вести од: Бизнис

В среда продолжува Комисиската расправа за Предлог-буџетот за 2027 година

За капитални расходи се планирани 40,8 милијарди денари. Даночните приходи се проектирани на 223,1 милијарди денари, што претставува раст од 6,4 проценти. За социјални трансфери се предвидени 220,8 милијарди денари, што е зголемување за 4,1 проценти, од кои 123,8 милијарди денари за исплата на пензии или раст за 4,8 проценти во согласност со законското усогласување.

АЕТМ: Половина од онлајн купувачите во Македонија плаќаат исклучиво во готовина при достава

Новата Анализа на плаќањето при достава и дигиталните плаќања во е-трговијата во Македонија за 2026, спроведена од Асоцијацијата за е-трговија на Македонија со поддршка на Visa и презентирана на деветтата Регионална конференција за е-трговија во Скопје, открива значителен јаз меѓу пристапот до платежни инструменти и нивната реална употреба.

Првата аукција на 30 ноември – Народна банка презема чекори за обезбедување нов сопственик на „АЛТА банка“

Постапката е дел од активностите насочени кон обезбедување нов сопственик на Банката, создавање услови за нејзино натамошно работење и зачувување на интересите на штедачите и останатите клиенти.

MTEL им подарува SkyShowtime на корисниците – повеќе филмови, серии и забава

Од 16 ноември, корисниците што ќе склучат договор за mSAT, MOVE, mBOX или mCONNECT ќе добијат ваучер за пристап до SkyShowtime Standard пакетот без дополнителен надомест во текот на промотивниот период. Така ќе можат да уживаат во широк избор меѓународни филмови и ТВ содржини.

Коњановски: Декарбонизација не значи деиндустријализација

Зелената транзиција мора да ги земе предвид потребите на економијата и можностите на енергетскиот систем. Намалувањето на зависноста од јагленот треба да биде постепено, со обезбедено стабилно снабдување за индустријата и граѓаните

To top