Во интервју со германскиот сатиричар Јан Бемерман за емисијата „Magazin Royale“ на каналот ZDF, Зеленски разговараше за американската политика, можноста за одржување избори во Украина за време на војната, германските ракети „Таурус“ , односите со Русија и за предлогот за зимско примирје.
Зеленски не ја крие радоста од победата на демократите во САД
Разговорот во еден момент се осврна и на животот на Зеленски пред да влезе во политиката, кога тој беше телевизиски комичар и актер.
„Јас сум кловн. Поминав толку многу време на телевизија, обидувајќи се да ги насмеам луѓето и правејќи смешни работи“, му рече Зеленски на Бемерман, кој и самиот е комичар.
„И двајцата го правевме тоа. А сега еве нè, мораме да зборуваме за војна. Што по ѓаволите се случи?“ праша тој.
Зеленски истакна дека руската агресија суштински го променила украинското општество, вклучително и неговиот личен живот и кариера.
На прашањето дали планира да се врати на комедијата по војната, тој одговори дека работата во индустријата за забава е добра професија, иако не откри дали има намера да ѝ се врати.
„И да се биде претседател е добро. Тоа е тешка работа – голем предизвик“, рече тој.
„Мораш да направиш сè што е во твоја моќ за да осигураш твојата земја да преживее за време на војната“, заклучи Зеленски.