Српскиот претседател во заминување, Александар Вучиќ, во последно време сè повеќе личи на инфлуенсер. Речиси секој час на социјалните мрежи објавува нови фотографии и видеа, а вечерва фокусот го префрли во белградска кафана.
Таму, во друштво на поддржувачи на Српската напредна партија, пие и се весели, а снимките веднаш ги споделува со јавноста. На едно од видеата јасно се гледа како присутните наздравуваат, а меѓу нив е и самиот Вучиќ.
Претходно објави и видео со сопственикот на медиумот „Информер“, Драган Ј. Вучиќевиќ, снимено во истиот локал – „Чаци бар“.
„Не знам што слави Драган. Ме повика мене и уште некои државни функционери, Ана, Синиша и Тони, па дојдовме во кафанава „Чаци бар“. Не знам што слави Драган, веројатно затоа што му го гасат медиумот. А јас знам дека тоа што му го гасат медиумот е почеток на нивниот крај. И тие ништо не разбраа“, рече Вучиќ.
На крајот од снимката, двајцата ја повторија пораката: „Србија победува“.