Претседателот на македонското Собрание, Африм Гаши, го оценува како неправда од Европската Унија отсуството на Македонија од патоказите за напредок во процесот на проширување што Европската комисија неодамна ги претстави за Црна Гора, Албанија, Молдавија и Украина.
„Има дел од реалноста, но повеќе би рекол дека е неправда. Мислам дека кон нашата држава е направена неправда со тоа што по донесувањето на Преспанскиот договор, менувањето на уставното име, ваков голем компромис, ниту во регионот, ниту пошироко, во Европа не е направено подолго време, не ѝ беше овозможено на земјава побрзо да напредува“, изјави собранискиот спикер во интервју за „360 степени“ на Македонската телевизија.