Бизнис

Ако храната поскапува, Владата најави мерки за граѓаните полесно да го поминат месецот

Будно ја следиме состојбата и се разбира дека разгледуваме мерки што ќе бидат во корист на граѓаните – порача премиерот Христијан Мицкоски одговорајќи на новинарско прашање дали ќе бидат донесени нови економски таргет-мерки имајќи ја предвид стапката на инфлација. Мицкоски појасни дека просечната инфлација е под 4,5 во првите четири месеци и, како што рече, „е една од најниските, ако не и најниска во регионот“.

2 минути за читање

Владата ќе ја следи состојбата во текот на овој месец, а потоа ако има потреба ќе носи економски таргет мерки за намалување на инфлацијата. Ова го најави премиерот Христијан Мицкоски одговарајќи на новинарско прашање кога може да се очекуваат економски мерки имајќи ја предвид стапката на инфлација која на годишно ниво е 4,8 отсто. Според Мицкоски, состојбата будно се следи и се разгледуваат мерки. Тој вели дека просечната инфлација е под 4,5 во првите четири месеци и како што рече „е една од најниските, ако не и најниска во регионот“.

  • „Од нашата анализа, конкретно за мајската инфлација, главниот драјвер на тоа зошто е таа 4,7 отсто на годишно ниво за мај, се два сектора, односно два типа на производи. Тоа се транспортните услуги кои се двоцифрени, над 10 проценти, и блиску до двоцифрени се алкохолот, цигарите и тутунските производи. ​Тука јас навистина не би сакал мерки да применувам“, одговори Мицкоски.

Тој смета дека можеби се потребни уште поригорозни мерки затоа што вели дека целта е да се заштити здравјето на граѓаните.

  • „Така што, во делот на алкохолните пијалаци, тутунот и цигарите, односно тутунските производи и цигарите, нема потреба од никакви мерки и еве однапред кажуваме дека тука нема да има мерки“, рече Мицкоски.

Што се однесува во делот на транспортот, Мицкоски посочи дека Владата веќе разговара со транспортерите.

  • „Најголемиот дел е кај авионскиот превоз поради скапиот керозин, којшто е двојно повисок. Така што, тука може да интервенираме повторно во делот на даноците“, рече Мицкоски. 

Претходно, Државниот завод за статистика го објави извештајот за индексот на трошоците на живот во мај во кој се вели дека има зголемување од 4,8 отсто во однос на истиот месец претходната година. Исто така, беше објавено и дека индексот на цените на мало, пак, е зголемен за 5,6 отсто.

Кај јајцата, млекото, овошјето и зеленчукот има значително поевтунување, вели првиот човек на ДПИ. Инспекторите  се на терен и кон крајот на јуни  врз основа на проверките на 10 тина големи дистрибутери и 10 ланци на маркети ќе  го компетираат конечниот извештај.

Поврзани теми:

ДЗС|храна|граѓани|мерки|инфалција|топ|избор|Мицкоски

Повеќе на оваа тема:

Најнови вести од: Бизнис

Хуманоста како традиција: „АЛКАЛОИД“ со нова донација за здравјето на најмладите

Од првиот Хуманитарен пикник до денес собрани се близу 14 милиони денари наменети за поддршка на здравствени установи, хуманитарни и граѓански организации, деца, лица со ретки болести, ранливи категории и лица од третото доба, како и за иницијативи за заштита на животната средина

Мицковски: Со завршувањето на проектот за антимон ќе ја зголемиме важноста на Македонија и економскиот стандард

Тој се повикува и на првичните извештаи за резервите, според кои, како што наведува, тие би можеле да бидат значително поголеми од збирните резерви на двете водечки земји во светот во производството на антимон

Хрватска е првата земја што најде решение за македонските транспортери

Хрватска е првата земја што најде решение за македонските превозници. Од 23 септември оваа земја треба да почне да прима барања за долгорочни визи. Ова го најави Билјана Муратовска од Макам-транс. Во другите земји сè уште важи старото правило, возачите можат да бидат во Шенген најмногу 90 дена во период од 180 дена.

Сите вести од Бизнис

Најнови вести

To top