Бизнис

Белгиската компанија СЦР „Сибелко“ сака да експлоатира индустриски минерали во Македнија

Во 2024 „Сибелко“ оствари приходи од 2,225 милијарди евра и прикажа добивка од 131 милион евра. Во акционерската структура учествуваат главно неколку богати фамилии од Белгија и разни институционални или индивидуални акционери со многу помали удели. Од глобалните рударски корпорации, во изминатиот период единствено многу поголемиот играч „Англо Американ“ покажа интерес за инвестирање во Македонија и оствари средба со министерката за енергетика, рударство и минерални суровини Сања Божиновска.

2 минути за читање

Белгиската компанија СЦР „Сибелко“, позната во светот по експлоатација на индустриски минерали и нивна продажба, регистрираше своја подружница во Македонија. Засега нема информација кој ќе биде коонкретниот интерес на мултинационалната корпорација, освен тоа дека регистрираната дејнст е рударство и вадење камен, пренесе Фактор.

SCR-Sibelco е глобална компанија со седиште во Белгија, која се занимава со екстракција, преработка и дистрибуција на индустриски минерали — особено на песоци, кварц, разновидни минерали како силициум, каолин, фелдшпат и други. Минералите кои ги нуди се користат во широк спектар индустрии – градежни материјали, металургија, пластики, електроника и друго. Конкретно, на пример од овие материјали се прават екрани за паметните телефони, или турбини за ветерници. Компанијата има многу локации низ светот со стотици рудници и објекти за преработка.

Со други зборови: SCR-Sibelco е глобален снабдувач на индустриски минерали и суровини како песоци, кварц, глини, фелдшпат, оливин и сл., кои потоа се користат како основа за разните индустрии.

Како групација има илјадници вработени и е застапена во 31 земја. Во 2024 „Сибелко“ оствари приходи од 2,225 милијарди евра и прикажа добивка од 131 милион евра. Во акционерската структура учествуваат главно неколку богати фамилии од Белгија и разни институционални или индивидуални акционери со многу помали удели. Од глобалните рударски корпорации, во изминатиот период единствено многу поголемиот играч „Англо Американ“ покажа интерес за инвестирање во Македонија и оствари средба со министерката за енергетика, рударство и минерални суровини Сања Божиновска.

 

Во структурата на бруто домашниот производ, според податоците на Државниот завод за статистика, рударската инудстрија во земјава учествува со само 1,5 отсто. За разлика од пред една деценија кога тоа изнесувало речиси 15 проценти.

Во тек е процедура за донесување нов Предлог-закон за рударство. Ресорното министерство тврди дека ќе се акцентира  заштита на животната средина. Од друга страна, има и коментари дека неговата главна цел е да ги олесни и забрза рударските операции, со што се создаваат ризици за екосистемите и водните ресурси

Поврзани теми:

фабрика|производство|избор|работници|бизнис|економија|компанија

Повеќе на оваа тема:

Најнови вести од: Бизнис

Во кои земји трошокот за домување е сериозен товар?!

Во овој индикатор, Евростат ги вклучува киријата или каматата за станбен кредит, трошоците за вода, електрична енергија, гас и греење, како и осигурувањето, одржувањето, поправките и поврзаните даноци. Отплатата на главницата на станбениот кредит не е вклучена.

Kупувањето производи преку кинеските платформи е поскапо за граѓаните на ЕУ – од сега се плаќа и посебна такса

Доколку купувачот нарача маица, паричник, слушалки и шише вода во една пратка, само 12 евра ќе одат на фиксната царинска давачка, односно три евра за секој артикл.

Народна банка: Случувањата во Србија не влијаат автоматски врз Алта банка Битола

Одземањето на дозволата за работа на Алта банка од страна на Народната банка на Србија, не значи автоматско одземање на дозволата за работа на Алта банка АД Битола, соопштија од македонската Народна банка.

Колку милијарди евра чуваат граѓаните в банка и покрај инфлацијата?!

Заклучно со септември граѓаните и компаниите заедно во банките должат вкупно 9,87 милијарди евра, а поединечно граѓаните должат 4,93 милијарди евра, а компаниите е 4,90 милијарди евра. Компаниите и граѓаните во септември во банките имале депозити во вкупен износ од 11,15 милијарди евра. Од нив на граѓаните се 7,50 милијарди евра.
Сите вести од Бизнис

Најнови вести

To top