Бизнис

„Џонсон Мети“ од Македонија деветта најсилна компанија во поранешна Југославија

Фирмата-ќерка на британскиот производител на катализатори е единствената македонска меѓу 100 најсилни во Југоисточна Европа

1 минута за читање

Македонската филијала на британскиот производител на автомобилски катализатори „Џонсон Мети“ го дели деветтото место со словенечки ГЕН-И меѓу најсилните компании во поранешна Југославија, според водечкиот деловен портал во Босна и Херцеговина, „Бизнис инфо“.

Со вкупен приход од 1,9 милијарди евра, „Џонсон Мети ДООЕЛ“ е единствената компанија од Македонија на листата на ЈИЕ топ 100 за 2025 година, Србија има 13, Словенија и Хрватска по 11, Босна и Херцеговина една, а Црна Гора ниту една.

Посилни компании од „Џонсон Мети ДООЕЛ“ на ексјугословенскиот простор се само словенечките „Петрол“ со 4,6 милијарди евра, ХСЕ (Холдинг словенске електрарне) со 3,6 милијарди и „Горење“ со 3,1 милијарди, српските ЕПС (Електропривреда Србије) со 3,9 милијарди и НИС (Нафтна индустрија Србије) со 3,3 милијарди и хрватските ИНА со 3,8 милијарди, ХЕП (Хрватска електропивреда) со 2,7 милијарди и „Конзум плус“ со 2 милијарди евра.

Словенечките компании на листата заедно остваруваат вкупен приход од 22,9 милијарди евра, српските 20,9 милијарди, а хрватските 17,4 милијарди.

Единствената компанија од БиХ во ова рангирање, „Бинго“ од Тузла, има вкупен приход од 1,1 милијарди евра.

Поврзани теми:

„Џонсон Мети“|„Бизнис инфо“|Југоисточна Европа|поранешна Југославија|најсилни компании|вкупен приход|избор

Најнови вести од: Бизнис

(Видео): Рекордна реализација на капиталните инвестиции до сега

Паралелно се работи на сите автопатски делници низ државата, со посебен фокус на проектите што ги реализира конзорциумот „Бехтел и Енка“, дека интензивно напредуваат и железничките проекти со сериозни подготовки за изградба на брзата пруга, додека автопатот Охрид–Кичево конечно се очекува да ја добие својата завршница до крајот на годината.

(Фото): Со изградбата на далноводот Битола-Елбасан се поврзуваме со соседните електроенергетски системи

Електроенергетското поврзување меѓу Македонија и Албанија добива втора шанса. Поставен е камен темелникот на 400 киловолтниот далекувод Битола–Елбасан. Токму со овој проект започнат од 2014 година започна и емисијата Бизнис 21- Истражувањето каде завршија 50 милиони евра за нашето енергетско поврзување со Албанија.

Ќе се јаде скапо јагнешко месо – сточарите го даваат евтино, трговците го продаваат прескапо

Велигденската трпеза и годинава ќе биде сè поскапа. Ниската откупна цена на јагнето нема да ја намали цената на јагнешкото во пресрет на празниците. Одгледувачите на јагниња велат ако не се државните субвенции ќе бидат во загуба.

Кризата ќе ги помати очекувањара за растот на македонската економија?! Што прогнозира ММФ?!

ММФ препорачува да се подобрат перформансите на државните претпријатија што е од суштинско значење за да се обезбеди ефикасност на распределбата на јавните ресурси и да се ограничат фискалните ризици.

ММФ за Народна банка: Стратегиска модернизација на монетарната политика и одржување на стабилноста на финансискиот систем

ММФ искажува задоволство и од посветеноста на усогласувањето на домашната регулатива со европските стандарди, што ќе придонесе за натамошно јакнење на супервизијата, решавањето банки и на целокупната финансиска стабилност.

Народна банка внимателно ги следи светските ризици и е подготвена за соодветно реагирање

Гувернерот Славески нагласи дека Народната банка, како носител на монетарната политика, постојано ги оценува големината, природата и влијанието на шоковите на домашната економија. Според него, за да се изгради отпорност, потребни се кредибилна монетарна политика и ефикасни макропрудентни мерки со цел да се задржи макроекономската стабилност и стабилноста на банкарскиот систем.

„Алказар Енерџи“ отвора јавна консултација за значајниот проект за ветерниот парк во Штип

Со планиран инсталиран капацитет до 396 MW, ветерниот парк Штип претставува трансформативен чекор кон зајакнување на енергетската независност на земјата, намалување на зависноста од фосилни горива и забрзување на напредокот кон националните климатски цели. Проектот е и значаен придонес кон Платформата за праведна енергетска транзиција на Македонија, лансирана на COP28.
Сите вести од Бизнис

Најнови вести

To top