Економските политики треба внимателно да го следат развојот на енергетските пазари. Во случај на ценовни осцилации, можно решение
се привремени интервенции преку даноци и акцизи, но тие треба да бидат временски ограничени и фискално одржливи. Променливата цена на горивата отвора простор за раст на инфлацијата, со ризик од евентуални поскапувања, особено кај храната поради зголемените енергенси. Барем за сега, цените се стабилни.
Експертската фела е загрижена за состојбата на Блискиот Исток. Деканот на економскиот факултет Мијалче Санта смета дека без развој и иновации, економијата нема да се развива. Вели мора да се даде фокус на младите претприемачи.
Инвестициите, особено инфраструктурните, придонесуваат за економски раст, но потребни се и подлабоки структурни реформи, сметаат економистите. Компаниите исто така мора да се модернизираат и да ја зголемат својата конкурентност.
Дека ризици постојат, свесни се сите, но ако треба, државата е подготвена за повеќе системски мерки. Како последно, според Државниот завод за статистика, инфлацијата во април на годишно ниво изнесува околу 5,7%, додека месечното зголемување е 1,3%.