Бизнис

iOS 26 е најголемото ажурирање во последните 12 години, проверете кои модели на Iphone ја подржуваат оваа надградба

На 9 септември 2025 година, за време на премиерата на новите модели iPhone 17, iPhone 17 Pro, iPhone 17 Pro Max и iPhone Air, Apple објави дека iOS 26 ќе биде достапен за надградба од 15 септември.

2 минути за читање

На 9 септември 2025 година, за време на премиерата на новите модели iPhone 17, iPhone 17 Pro, iPhone 17 Pro Max и iPhone Air, Apple објави дека iOS 26 ќе биде достапен за надградба од 15 септември. Ова ажурирање, во согласност со практиката на Apple, ќе се случи помеѓу почетокот на пред-нарачките (12 септември) и официјалното лансирање на уредите (19 септември). Сите модели од серијата iPhone 17 ќе доаѓаат со претходно инсталиран iOS 26.

iOS 26, дел од јавната бета програма на Apple во изминатите недели, носи побрзи анимации, што го прави системот пожив и пофлуиден. Клучна новина е редизајнот Liquid Glass, прв ваков голем визуелен пресврт од iOS 7 пред 12 години, кој се протега низ целиот систем и апликациите на Apple.

Новитет е апликацијата Games, централно место за игри, како и унапредена функција за визуелна интелигенција слична на Circle to Search на Google. Додадена е и интеграција со ChatGPT.

Листата на поддржани уреди за iOS 26 вклучува: iPhone 16e, iPhone 16, iPhone 16 Plus, iPhone 16 Pro, iPhone 16 Pro Max, iPhone 15 серијата, iPhone 14 серијата, iPhone 13 серијата, iPhone 12 серијата, iPhone 11 серијата и iPhone SE (2020 и 2022).

Моделите iPhone XR, iPhone XS и iPhone XS Max нема да ја добијат оваа надградба.

Поврзани теми:

технологија|apple|iOS 26|iphone|смарт телефони

Најнови вести од: Бизнис

Македонија лани беше во првите пет во Европа на растот на БДП, во време на СДСМ бевме последни, рече премиерот

Претседателот на Владата Христијан Мицкоски во интервју за ТВ Ора 24, зборувајќи за изградбата на коридорите 8 и 10Д и за другите инвестиции и во релација со економијата посочи на факти за раст на БДП, според кои и 2024 и 2025 година Македонија е во првите 5 во Европа според растот на БДП, за разлика од минатата влада кога Македонија по овој параметар беше последна во регионот.

Азески на состанок на Советодавниот одбор на Економскиот факултет при Универзитетот во Љубљана

Азески, како член на Советодавниот одбор, тело составено од истакнати бизнис-лидери, експерти и професори, зеде активно учество во дискусијата на денешниот состанок  посветена на  долгорочната стратегија на институцијата и предизвиците околу наставните методи на учење во новата ера кога интензивно се користи вештачката интелигенција, која треба паметно да се искористи во насока на унапредување, а не на уназадување на аналитичкото и критичкото размислување на младите генерации дипломци и постдипломци.

Колку работниците ќе излезат на улица на толку ќе им ги зголемат платите, велат од ССМ

Сите патишта водат кон Скопје, рече претседателот на Сојуз на синдикати на Македонија, Слободан Трендафило и ги повика работниците од целата држава да се приклучат на протест во Скопје за повисоки плати и подобар работнички стандард. Големиот работнички протест, како што рече почнува во 12:05 минути пред зградата на ССМ, а барањата остануваат исти – минимална плата од 600 евра и зголемување на сите работнички плати за 6.000 денари.

ТИТАН Усје: Продолжувањето на А–интегрираната еколошка дозвола се одвива согласно законот и во соработка со надлежните институции

При подготовката на апликацијата за продолжување на дозволата, компанијата во целост ги следи обврските и условите што произлегуваат од законските и подзаконските акти и соработува со сите надлежните институции

Нафта скокна над 100 долари за барел, се стравува од нов шок

Цената на нафтата од ноќеска повторно се искачи над 100 долари за барел, неколку дена откако го достигнаа максимумот. Од бизнис еснафот стравуваат од можни ценовни шокови, односно ако кризата продолжи, тоа ќе влијае врз глобалните залихи на гориво.
Сите вести од Бизнис

Најнови вести

To top