Бизнис

Македонија и Бугарија в четврток ќе потпишат договор за изградба на железничкиот тунел

Церемонијата на која потпис ќе стават вицепремиерите Николоски и Караџов ќе се одржи на железничката станица во Ѓуешево

1 минута за читање

Македонскиот вицепремиер и министер за транспорт Александар Николоски и неговиот бугарски колега Гроздан Караџов в четврток ќе го потпишат Договорот за подготовка, изградба и експлоатација на прекуграничниот железнички тунел меѓу двете земји.

Потпишувањето ќе се изврши на железничката станица во Ѓуешево, а на церемонијата ќе присуствуваат претставници на Европската комисија, на дипломатските мисии на земјите од ЕУ и НАТО во Бугарија, како и претставници на Европската инвестициска банка, Европската банка за обнова и развој и Светската банка.

Прекуграничниот тунел е клучен елемент на транспортниот коридор „Западен Балкан – Источен Медитеран“ и на стратешкиот Коридор 8. Неговата имплементација ќе ја обезбеди недостасувачката железничка поврзаност меѓу Бугарија и Македонија и ќе го подобри транспортниот пристап меѓу Црното Море и Јадранското Море.

Проектната должина на тунелот е околу 2,4 км, по половина на териториите на двата соседа. Неговата изградба ќе го поддржи економскиот развој на регионот и ќе го олесни интегрирањето на транспортните мрежи на ниво на ЕУ и НАТО.

Поврзани теми:

Ѓуешево|Гроздан Караџов|железнички тунел|Александар Николоски|Македонија|Бугарија

Повеќе на оваа тема:

Најнови вести од: Бизнис

Народна банка внимателно ги следи светските ризици и е подготвена за соодветно реагирање

Гувернерот Славески нагласи дека Народната банка, како носител на монетарната политика, постојано ги оценува големината, природата и влијанието на шоковите на домашната економија. Според него, за да се изгради отпорност, потребни се кредибилна монетарна политика и ефикасни макропрудентни мерки со цел да се задржи макроекономската стабилност и стабилноста на банкарскиот систем.

„Алказар Енерџи“ отвора јавна консултација за значајниот проект за ветерниот парк во Штип

Со планиран инсталиран капацитет до 396 MW, ветерниот парк Штип претставува трансформативен чекор кон зајакнување на енергетската независност на земјата, намалување на зависноста од фосилни горива и забрзување на напредокот кон националните климатски цели. Проектот е и значаен придонес кон Платформата за праведна енергетска транзиција на Македонија, лансирана на COP28.

(Видео): Како ќе изгледа новиот охридски аеродром кој за само два месеца опслужил над 28.000 патници

Со 4 нови линии што ќе започнат од охридскиот аеродромот со летниот распоред на летови (Милано, Виена, Вроцлав и Катовице), како и претходно започнатата нова линија до Братислава, ТАВ Македонија очекува овој двоцифрен раст на патничкиот сообраќај да продолжи. Моментално, од Охрид, како една од најважните туристички дестинации во регионот, летаат 8 авиокомпании до 17 дестинации, меѓу кои 3 се чартер летови.

Славески: Стабилен банкарски систем и претпазлива монетарна политика во услови на светска неизвесност

Банкарскиот систем и натаму е стабилен и отпорен, со високо ниво на капитална адекватност, ликвидност и профитабилност. Довербата на граѓаните и компаниите се потврдува преку постојаниот раст на депозитите, дури и во услови на зголемена неизвесност.

(Фото): Потпишан колективниот договор за административците – етапно ќе растат платите до 40%

Министерството за јавна администрација со овој чин ја потврдува својата заложба за градење современа, ефикасна и правично организирана јавна администрација, во која се создаваат подобри услови за професионален развој, институционална стабилност и долгорочна мотивација на вработените.
Сите вести од Бизнис

Најнови вести

To top