Бизнис

Мицкоски: Консолидирањето заврши, сега сме во состојба на раст

До крајот на 2025-та ќе ги достигнеме предвидените 3,5 – 4 отсто

Премиерот Христијан Мицкоски е убеден дека земјава до крајот на годината ќе го достигне предвидениот раст меѓу 3,5 – 4 проценти. Како што рече денеска, одговорајќи на пратенички прашања, рекордни се резултатите на Царинската управа со реализирани над 12 милијарди денари, како и на УЈП, со преку 15 отсто наплата на ДДВ во јули. Македонија, дециден е премиерот, од фаза на консолидација, влегува во фаза на раст.

Според Мицкоски, растат сите параметри од аспект на макроекономската слика, и индустриското производство и преработувачката индустрија и туризмот,…, и нето и бруто платата растат со стапка од 11 отсто и покрај обидот на некој од опозицијата да каже дека тоа не е точно.

-Моментната економска состојба е стабилна со тенденција на раст, тоа беше потврдено и од „Стандард и Пурс“. Сценаријата што ги слушавме во јавноста дека слабо и лошо ни оди, никако да се реализираат. Имајќи предвид каква состојба наследивме – хаос, катаклизма и криминал, успеваме за краток период да се консолидираме. Опозцијата континуирано изнесува лаги и невистини, но бројките кажуваат се и тие се безмилосни, нагласи Мицкоски.

Тој рече дека најверојатно Царината ќе надмине наплата од 12 милијарди денари и заклучно со денеска ќе достигне 12,5 милијарди денари, но, сепак, повика да се причекаат официјалните резултати.

-Се уште ова е неофицијално зашто денеска е последниот ден од јули. Царината прв пат пробива 12 милијарди денари наплата, очекувам денеска да достигне 12,5 милијарди денари. Лани, по именувањето на Бобан, блиску бевме да ја надминеме оваа бројка, а денеска се натпреваруваме да дојдеме до 12,5 милијарди. Ова е нешто што не е воопшто забележано досега. Но, да почекаме, денот се уште трае, ова може утре да го потврдиме. Добра вест имаме и од УЈП која ја натфрли за 15 отсто наплатата во јули и сега бркаме наплатениот ДДВ да достигне над тие 15 проценти споредено со јули минатата година. Ова говори дека периодот на стабилизирање е завршен и дека почнува периодот на раст. Денеска имаме уште една потврда – индустриското производство продолжува да расне и во јуни има мал 0,5 отсто раст споредено со јуни лани, но тоа е веќе трет месец по ред. Се зголемува и преработувачката индустрија, како и туризмот, потенцира премиерот.

До крајот на годината тој очекува реализација на капиталните инвестиции посебно во градежниот сектор како коридорите и патот Кичево – Охрид.

Најнови вести од: Бизнис

Платите во Германија растат побрзо од инфлацијата

Во вториот квартал од 2025 година, платите во Германија пораснаа за 4,1%, значително надминувајќи ја инфлацијата од 2,1%, според податоците објавени од Федералната служба за статистика на Германија (Destatis). Ова резултира со реален раст на платите од 1,9%, продолжувајќи го трендот на зголемување на куповната моќ веќе две години.

Какво ќе биде чувството да се патува со воз од Паланка до Деве Баир низ тунели и мостови?!

Првата делница од пругата кон Бугарија – од Куманово до Бељаковце беше пуштена во јануари годинава, а на втората делница се завршени 30 проценти од градежните работи и веќе е надминат конструкторскиот проблем со столбовите изградени пред 30-ина години на мостовите во близина на Кратово.

Пад на каматите на кредитите – просечната стапка во јули е 4,91%

Последните податоци на Народна банка покажуваат годишен пад на просечната камата на кредитите за 0,55% и раст на просечната каматна стапка на вкупните депозити од 0,28 п.п. Просечната каматна стапка на депозитите сега изнесува 2,21%, а на кредитите 4,91%.

Нов закон за рударство: Tранспарентен процес, над 100 предлози од јавноста

Министерството за енергетика, рударство и минерални суровини (МЕРМС) ја истакнува транспарентноста и вклученоста како основни принципи во подготовката на новиот Закон за рударство. Законот уште во рана фаза беше јавно објавен на платформата ЕНЕР со цел да биде достапен за увид и анализа од сите засегнати страни, а јавната расправа резултираше со исклучително голем одзив. […]

ЕУ планира намалување на царините за американските автомобили за да ги спаси сопствените

Европската комисија во четврток предложи нов закон за укинување на царините за американските индустриски производи, со цел да се намалат царинските оптоварувања што Вашингтон ги наметна на европските автомобили.

Мицкоски: До 25% се пониски цените со кои истите добавувачи сега ги снабдуваат „ЕСМ“ и „РЕК Битола“

Премиерот при посетата на РЕК Битола рече и оти вистинското прашање кое сега се поставува е каде завршувале тие 25 отсто и оти судот треба да каже зошто во времето на владеење на СДСМ и ДУИ се купувале исти производи за поголеми суми.

Дали скапотијата придонесе да Хрватска е меѓу трите најбрзо растечки економии во ЕУ?!

Хрватската економија забележа раст од 3,4% во вториот квартал и останува меѓу трите најдинамични во Европската унија. Личната потрошувачка и инвестициите се клучни фактори, додека туризмот и надворешната трговија покажуваат предизвици.

To top