Комерцијална банка предупредува дека е забележана измамничка кампања со испраќање лажни пораки по електронска пошта.
Според банката испраќачот лажно се претставува во име на Комерцијална банка, известува за плаќање и испраќа фајл кој содржи вирус.
Со отворање на фајлот, примателот на пораката се изложува на сериозен ризик бидејќи овозможува пристап до лозинките и доверливите информации на уредот.
,,Не кликајте на фајлот и веднаш избришете ја пораката❗
Како да препознаете лажна порака?
Лажните пораки често упатуваат на итна реакција и се однесуваат на важни теми, како приливи или одливи на средства, опасност од губење пристап или слично”, објави Комерцијална банка од каде предупредуваат дека пораките често содржат граматички и правописни грешки и затоа треба да се читаат внимателно.
Банката сугерира задолжителна проверка на називот и домејнот на e-mail адресата на испраќачот.
,,Целта на ваквите пораки е прибирање сензитивни податоци и/или инсталација на злонамерен софтвер на уредот.
Бидете внимателни и следете ги советите за препознавање злонамерни пораки.
Споделете ја информацијата со сите на кои сметате дека ќе им биде од корист”, апелираат од банката.