Бизнис

Народна банка: Во 2025 економскиот раст 3,5%, просечната стапка на инфлација 3,9%

Макроекономската слика за домашната економија укажува на солидни економски изгледи и на натамошна стабилизација на инфлацијата, рече гувернерот на Народна банка, Трајко Славески.

2 минути за читање

За 2025 година се очекува раст на економијата од 3,5 отсто, а просечната стапка на инфлација ќе изнесува 3,9 проценти, соопшти денеска Народната банка. Според проценките на НБ, дефицитот на тековната сметка ќе изнесува 4,2 отсто од БДП што е проширување на дефицитот во однос на претходната година.

Во споредба со априлските проекции, се очекува умерено повисок дефицит на тековната сметка наспроти финансиските текови кои во просек се повисоки од претходните очекувања.

Како што рече гувернерот Трајко Славески, макроекономската слика за домашната економија укажува на солидни економски изгледи и на натамошна стабилизација на инфлацијата.

  • „Најновите макроекономски проекции за периодот 2025-2028 година укажуваат на отпорност и солиден раст на економијата. За годинава се очекува раст од 3,5 отсто, во периодот 2026-2028 тој би забрзал на 4 отсто. Во однос на инфлацијата, просечната стапка ќе изнесува 3,9 отсто, а во натамошниот период ќе следи патека на надолно приспособување и враќање кон историскиот просек“, рече Славески.

Како што нагласи Славески, во првите девет месеци од 2025 година, кредитната активност забележала силен раст кој, според Народната банка, би продолжил и до крајот на годината.

  • „Во периодот 2025-2028 година се очекуваат солидни нето-приливи на финансиската сметка кои би се искористиле за финансирање на дефицитот на тековната сметка. Во однос на структурата, најголемиот дел од приливите на нето-основа се очекуваат во форма на странски директни инвестиции и долгорочно задолжување на државата во странство. За целиот период на проекцијата се очекува зголемување на девизните резерви и натамошно соодветно ниво за одржување на стабилноста на домашната валута“, смета гувернерот.

Поврзани теми:

Македонија|Славески|БДП|економија|раст|инфлација|развој|стопанство|проекции|НБ|топ

Повеќе на оваа тема:

Најнови вести од: Бизнис

Евростат: Во Македонија има најевтина храна од цела Европа, ама и најниски плати

Освен Македонија и Романија, Турција (75,7 евра), Босна и Херцеговина (82,5 евра), Црна Гора (82,6 евра) и Бугарија (87,1 евра) се далеку под просекот на ЕУ. Србија (95,7 евра) и Албанија (98,7 евра) се исто така поевтини од ЕУ. Меѓу „Големата четворка“ на ЕУ, цените на храната се повисоки од просекот на ЕУ и во Италија (104 евра) и Германија (102,9 евра). Шпанија (94,6 евра) е за 5,4% поевтина од ЕУ.

(Видео): Социјални случаи преку злоупотреби цицале по 60-65 илјади денари месечно

Тоа е крадење, тоа е незаконски. Да, ќе го прочистиме и ќе го филтрираме списокот на корисници на гарантирана минимална помош затоа што се грижиме за државата и се грижиме за иднината на државата, потенцираше премиерот Христијан Мицкоски запрашан за случаите за лица кои по различни основи добивале и по 60-65 илјади денари месечно.

ТИТАН Усје во 2026 продолжува со инвестиции во дигитализација и декарбонизација, очекува раст на продажбата

Новите зелени еко цементи со намалено учество на клинкер, ги следат најновите светски трендови во индустријата и значително придонесуваат за поголема декарбонизација

Македонија со пофалби за напредокот во енергетските реформи и либерализацијата на пазарот на струја

Од надлежните институции во земјата посочуваат дека реформите ќе продолжат со засилено темпо, со цел создавање модерен, конкурентен и одржлив енергетски пазар, усогласен со европските стандарди и во интерес на граѓаните и стопанството.

Милијарди се во игра: Колку навистина заработуваат најбогатите луѓе во светот?!

Според извештајот, најбогатите 10 проценти од глобалната популација контролираат околу 75 проценти од светското богатство. Авторите на извештајот предупредуваат дека овие екстремни разлики меѓу богатите и сиромашните станале неодржливи.

На 15 декември не се затвора трезорот, ќе има К-15 за сите во државните институции, тврди премиерот

Премиерот ги отфрли обвинувањата на опозицијата дека Буџетот е празен и дека трезорот се затвора на 15 декември, нагласувајќи дека државната каса е ликвидна и сите тековни обврски се извршуваат. Мицкоски објасни дека 15 декември е поставен како рок за институциите да ги достават сите тековни расходи, а не како датум за затворање на трезорот. Целта е, вели тој, исплатите да се завршат навреме и да не останат незавршени обврски кои би се книжеле во следната година.

Работна средба на Бранко Азески со раководството на „Филип Морис“

Од Филип Морис, како компанија со странски капитал која повеќе години делува во Македонија, истакнаа дека деловната клима во глобални рамки има свои предизвици,  но, сепак успеваат да ги реализираат предвидените цели и таргети. Укажаа на одрeдени состојби со кои се соочуваат и тие, но и останатите компании од тутунската дејност кои заедно делуваат во Комората преку Здружението за производители на тутун и преработки од тутун.
Сите вести од Бизнис

Најнови вести

To top