Преполна салата на хотелот Хилтон каде се одржува Македонско- Индиски бизнис форум на кој учествуват 36 индиски и десетици македонски бизнисмени.
Настанот е во рамки на историската официјална посета на индиската претседателка Друпади Мурму на Македонија каде се сретна со претседателката Сиљановска-Давкова, со премиерот Мицкоски и спикерот на Собранието Гаши.
Организатори на форумот се Кабинетот на претседателката на Македонија и Директоратот за економска дипломатија при Министерството за надворешни работи и надворешна трговија.
На отворањето се обраќаат повеќе македонски и индиски претставници како и македонската претседателка Гордана Сиљановска-Давкова и нејзината индиска колешка Друпади Мурму.
Цел на настанот е презентација на инвестициските потенцијали на Македонија и нејзино позиционирање како „порта“ за индиските компании кон пазарот на Источна Европа.
По посетата на Мурму очекувани резултати се двојно зголемување на трговијата а клучни сектори за соработка се здравство, туризам, угостителство, ИТ индустрија и традиционална медицина.
Во рамки на пошироката соработка се најавува дуплирање на стипендиите за македонски кадри преку индиската ITEC програма. Ова вклучува и специјализирани обуки за вештачка интелигенција (AI).