Бизнис

Николоски: За еден месец овозможивме 11 нови авиолинии

Визер следната година ќе понуди 3,3 милиони седишта за Македонија

Имаме три убави вести во однос на авиосообраќајот, а тоа е дека воведуваме уште пет нови авиолинии и тоа до Охрид од Катовице, Вроцлав и Милано, а до Скопје од Будимпешта и Наполи. Визер следната година ќе понуди 3,3 милиони седишта за Македонија што директен импакт ќе има врз туризмот и економијата, а ќе донесе шест нови авиони од типот Ербас А321. Дополнително ќе работиме да се вработат уште стотина македонски граѓани во авиокомпанијата, истакна на денешната прес конференција вицепремиерот и министер за транспорт Александар Николоски.

-Тука сме да споделиме три убави вести. Првата е да објавиме пет нови авиолинии, три од охридскиот аеродром, две од скопскиот аеродром. До охридскиот аеродром ќе се лета од Катовице -Полска од 28 јуни следната година, Вроцлав исто така Полска од 28 јуни следната година, што е многу значајно за отворање на Полска како земја која е многу заинтересирана за туризам во Македонија, особено полските туристи се доста добродојдени во охридскиот регион и третата дестинација е Милано-Малпенса главниот аеродром која исто така ќе оперира од 28 јуни следната година. На тоа додаваме уште две нови линии кон скопскиот аеродром, Наполи-Италија со почеток од 6 април следната година и Будмишта -Унгарија од 6 април следната година. Ако на ова ги додадеме претходните пет линии кои ги објавивме пред месец дена, тоа е главниот аеродром Стокхолм и Мадрид кои почнуваат од 2 ноември, потоа Келн кој што почнува на 20 декември, Бари и Прага исто така на 20 декември и Ларнака која почнува на 30 октомври, тоа се вкупно 11 нови авиолинии за само месец и половина во соработка со нашите пријатели од Визер.

Втората вест е дека Визер на скопскиот аеродром ќе донесе шест авиони кои ќе бидат постојано присутни на аеродромот, до сега беа четири, ќе оди и на 7-8 и што е многу значајно прават замена на старите Ербас А320 на нови Ербас А231, кои се најмодерните авиони во светот во моментов. Тоа се авиони кои најмалку загадуваат и прават помалку бучава и авиони кои се со 239 седишта што ќе значи околу 59 % зголемување на капацитетот од следната година. Визер од следната година ќе понуди 3, 3 милиони седишта за Македонија што може да замислите што ќе значи за туризмот и за економијата во Македонија. Третата добра вест е 200 Македонци работат во Визер и таа бројка планираме во следниот период да ја зголемуваме за најмалку уште 100, истакна вицепремиерот и министер за транспорт.

Извршниот директор на Визер, Јосеф Варади истакна дека во Македонија гледаат партнер и како пазарен лидер во регионот воведуваат бенефити за граѓаните. Потенцираше дека до крај на годината ќе воведат шест летала и пониски цени, како и 3,3 милиони седишта во следната година за Македонија што ќе значи развој на туризмот и економијата. Тој додаде дека очекува дополнително да се вработуваат македонски граѓани во компанијата.

Најнови вести од: Бизнис

Во јануари 2026. ќе се издаде еврообврзницата, планирано е да се соберат 950 милиони евра

Министерката за финансии вели дека е планирано преку издавањето на новата еврообврзница да се обезбедат околу 950 милиони евра, од кои 700 милиони евра ќе бидат наменети за рефинансирање на еврооврзницата издадена во 2020-та, додека преостанатите 250 милиони евра ќе бидат искористени за буџетско финансирање, како и секоја година.

Брза пруга на Коридор 10, зелени гранични ленти и нови транспортни врски, најави заменик-претседателот на Владата

Според Министерството за транспорт, изградбата на брза пруга на Коридорот 10 ќе значи развој на трговијата, зголемување на размената меѓу двете држави и брза врска на пристаништата во Грција со пазарите во Централна Европа.

Јулската плата е за 10,5% поголема од онаа во јули во 2024 година

Сите тези на опозицијата дека платата не растела, дека долгот се зголемувал, дека сме ги задолжиле неродените генерации со седум милијарди итн. полека но, сигурно, како меур од сапуница, се распрснуваат, вели премиерот Христијан Мицкоски.

Какви поволни услови за купување стан подготвуваат банките?!

Гувернерот на Народна банка Трајко Славески е уверен дека со мерката на Централната банка за намалување на учеството за купување на прв стан за живеење, ќе се намалат и каматите на кредитите со кои ќе се купуваат овие нови домови за граѓаните.

Гувернерот Славески: Очекуваме банките да ги поевтинат станбените кредити

Гувернерот на Народната банка на Република Македонија (НБРМ), Трајко Славески, изјави дека НБРМ не ги утврдува каматните стапки за кредитите, но ги регулира условите за месечните рати и сопственото учество во однос на вредноста на имотот што станува залог.

И покрај милионскиот долг, „Пуцко петрол“ ќе продолжи да го снабдува ЈСП „Скопје“ со нафта

Граѓаните се жалат дека цело време има доцнења на градските автобуси. Стравуваат дека во наредните денови може да има прекин на јавниот превоз поради информациите што ги слушнале, односно проблемите со снабдувањето со нафта.

To top