Бизнис

Владата ја отвори вратата за дури 10.000 странски работници во Македонија

Владата ја зголеми квотата за работни дозволи за странски државјани за годинава на вкупно 10.000 ангажмани. Според одлуката која стапи на сила од вчера, 9.750 дозволи се наменети за редовно вработување на странци, додека 200 се за упатени странци, а 50 за сезонски ангажмани.

1 минута за читање

Македонија за годинава ја зголеми квотата за странски работници кои може да работат во земјава на 10.000 работни дозволи. Како што е познато ангажирањето на странски работници во земјава е на барање на бизнис-заедницата, која континуирано изминативе години се жалеше на недостаток на работна сила. Одлуката на Владата за зголемување на работните дозволи за странци стапи на сила денеска, а најголемиот дел од
квотата – 9.750 дозволи, се наменети за редовно вработување.

За упатени странци ќе можат да се издадат 200 дозволи, а за сезонски ангажмани – 50. Од овие дозволи 4.500 се за нови работници, а 5.250 се за продолжување на дозволите на веќе вработените странски работници.

Бизнисмените со години бараат зголемување на квотите за вработување странски работници.

Агенцијата за вработување лани дала над 8.500 позитивни мислења за работни дозволи, а Министерството за внатрешни работи одобрило повеќе од 6.000 дозволи за престој на странски работници. Изминативе пет години бројот на работните дозволи за странци се зголемува, а најчесто работници се ангажираат за градежништвото, преработувачката индустрија, угостителството и трговијата. Најмногу странски работници во Македонија доаѓаат од Бангладеш, Непал, Индија, Турција, Кина и Филипините.

Поврзани теми:

влада|работа|економија|странски компании|вработување|актулено|фирми|квота

Повеќе на оваа тема:

Најнови вести од: Бизнис

„Тиквеш“ триумфира во Јапонија: Две гран-при од вкупно девет награди на натпреварот SAKURA

Меѓу деветте признанија се две Гран-при награди, како и два двојни златни медали, четири златни и еден сребрен медал, што претставува јасен сигнал за конзистентниот квалитет и глобалната релевантност на вината на „Тиквеш“

„Реплек“ со раст на домашниот пазар од 20% во првиот квартал од годинава и зголемена дивиденда за 25%

Двоцифрената стапка на раст е резултат на континуираното унапредување на портфолиото, инвестициите во иновации, модернизацијата на производствените капацитети, како и зајакнувањето на односите со партнерите и пациентите

Инфлацијата скокна на 4,9% во пресрет на празниците

Од храната најмногу на удар е овошјето. Цените тука се зголемиле за 12, 7 отсто, кај  млекото и јајцата за над 8 проценти. Поскапување од 7 отсто се забележува и кај маслото и мастите и кај житата и житните производи . Во оваа категорија влегува лебот.

Советот на странски инвеститори ги поздравува владините напори за решавање на проблемот на транспортерите

Советот на странски инвеститори информира дека внимателно ја следи ситуацијата и нагласува колку е значаен овој проблем, кој има директно влијание врз функционирањето на компаниите.

„Фич“: Кредибилните и конзистентни макроекономски политики ја одржуваат стабилноста на денарот

Во извештајот на Агенцијата за кредитен рејтинг „Фич“ се наведува дека девизните резерви, во јануари 2026 година, се зголемиле за речиси 14% на месечно ниво и се доволни за да покријат околу 5,1 месец од обврските за плаќања кон странство. „Фич“ оценува дека нивото на девизните резерви е соодветно за одржување на стабилноста на домашната валута.

УЈП апелира да се користат само нејзините официјални насоки за проектот е-Фактура

УЈП ги повика сите компании кои досега не се вклучиле, а кои развиваат и одржуваат системи за фактурирање, како и компаниите кои користат системи за фактурирање што може да ги надградуваат, веднаш да се вклучат во тестирањето.
Сите вести од Бизнис

Најнови вести

To top