Бизнис

Владата нуди унифицирана формула за покачување на платите

Владата има своја формула за пресметување на платите на вработените во администрацијата. Најголем дел од претставниците на синдикатите, и репрезентативните и од гранковите, се согласни со таа позиција на Владата, со неколку исклучоци. Формулата што ја нуди Владата во врска со тоа како ќе следи покачувањето на платите на административците етапно ќе значи повисоки примања за нив, а не само за онолку средства колку што ќе расте минималната плата.

2 минути за читање

Премиерот Христијан Мицкоски повторно го образложи предлогот на владата за зголемување на платите на државните административци. Мицкоски вели дека предлогот предвидува секое зголемување од 1.500 денари во следните три години да се зголемува за дополнителни 8%, што ќе обезбеди зголемување од 40% за околу 4 години.

  • „Кога реков просечна плата од 30.000 денари, зборував за износ што моментално се применува. Таа е некаде над 30.000 денари, но за да ја олеснам математиката, импровизирав овде со зголемување на минималната плата за 1.500 денари 3 години по ред. Сега без оваа владина понуда, како се зголемуваат платите на државните административци? Платата што ја добива државниот административец се додава на зголемувањето на минималната плата. Да речеме, ако јас сум државен административец и примам плата од 35.000 денари, додека зголемувањето на минималната плата за оваа година е 1.500 денари, тогаш мојата плата ќе биде 36.500 денари. Сега што предлагаме.“

  • „Овој износ, зголемен за плус 8%, и ова ќе резултира со „X“ пари. Следната година во март, да претпоставиме дека минималната плата повторно ќе се зголеми за 1.500 денари. Моите пари „X“, ќе ги зголемиме за 1.500 денари и ќе го зголемиме овој износ за дополнителни 8% и ќе добиеме „Y“ пари, третата година во март 2028 година, да претпоставиме дека минималната плата повторно ќе се зголеми за 1.500 денари, ќе ги зголемиме овие „Y“ пари за 1.500 денари, и ќе го зголемиме овој износ по трет пат за 8%, ќе добиеме „Z“ пари. Овие „Z“ пари се најмалку 40% повеќе од 30.000 денари со кои почнавме сега“, рече премиерот Мицкоски.

Синдикатите бараат итно зголемување на минималната плата на 600 евра и линеарен раст од сто евра за сите останати, додека Владата застапува модел на постепен раст. Формулата што ја предлага Владата предвидува кумулативно зголемување од околу 40 проценти до 2028 година, со годишни нивелации меѓу седум и осум проценти.

Ставот на синдикатот засега е дека дека таквата долгорочна проекција не ги задоволува потребите на работниците имајќи ја предвид инфлацијата, така што ССМ се заканува со Генерален штрајк доколку не се постигне итен договор во рамките на Економско-социјалниот совет.

Поврзани теми:

преговори|плати|топ|влада|Мицкоски

Повеќе на оваа тема:

Најнови вести од: Бизнис

Занаетчиите уплашени, ако порасне минималецот ќе мора да ги затворат дуќаните

Растот на минималната плата на 600 евра, иако на прв поглед звучи како чекор кон подобар животен стандард, може да има сериозни последици за занаетчискиот сектор и малите бизниси. Наместо поголема сигурност за работниците, овој потег ризикува да предизвика затворање на дуќани, отпуштања и дополнително осиромашување на локалните заедници, алармира Занаетчиската комора.

Макроекономските движења во согласност со очекувањата на Народна банка

На крајот на 2025, нивото на девизните резерви достигна 4.920,5 милиони евра и според сите релевантни показатели, обезбедува соодветна поддршка за одржување на стабилноста на домашната валута. Податоците од монетарниот сектор укажуваат на натамошна солидна кредитна поддршка за економијата и зајакнување на депозитната база на банките. Во четвртиот квартал од 2025, годишниот раст на вкупните кредити изнесуваше 13%, при годишен раст и на депозитите од 10%, што е малку над нивото проектирано за крајот на годината.

(Фото): Само во 2025. извозот на македонски производи преку „Лидл“ достигна 15,5 милиони евра

Свежото овошје и зеленчук се потврдија како еден од клучните извозни адути. Од вкупниот извоз преку Лидл, околу 5 милиони евра се однесуваат токму на оваа категорија. Извезени се 15 различни видови земјоделски култури од повеќе од десет домашни добавувачи, а најзастапени биле грозје, зелка, пиперка, моркови и домати. Овие производи имале добар пласман во Бугарија, Германија, Романија, Полска, Словачка, Србија и Чешка.

Студентите и пензионерите ќе можат легално да работат без да ги изгубат правата, односно да не работат на црно

Формализацијата на сивата економија е еден од врвните приоритети на Владата, со цел зајакнување на економскиот раст, стабилноста на јавните финансии и подобра заштита на работниците, изјави министерот за економија и труд Бесар Дурмиши на презентацијата на Законот за работно ангажирање лица во Владата.

Буџетот за капитални инвестиции е ограничен по заслуга на СДСМ, велат од министерството за енергетика

И покрај ниските, манипулативни и неосновани напади од СДСМ, Министерството за енергетика, рударство и минерални суровини останува фокусирано на реализација на клучни проекти за граѓаните, со одговорно планирање, финансиска дисциплина и без загрозување на стабилноста на државата, се огласи министерството.

Македонските превозници можат да здивнат, се одложува биометриската евиденција

Убава вест за стопанството, транспортерите добија пет месеци одложување. Електронската биометриска евиденција за влез и излез од „Шенген-зоната“ за македонските превозници се одложува до септември. Ова било потврдено од страна на Европската комисија на он лајн состанокот со македонските власти.

Минималната плата законски ќе порасне за околу 8%, велат од Владата

Владата ќе го поддржи секој предлог што ќе биде заеднички прифатен од синдикатите и од работодавците во однос на минималната плата. Треба да има зголемување и на минималната и на другите плати, но тоа мора да биде постепено, со сигурност и во стабилна економска рамка, соопшти министерот за економија, Бесар Дурмиши.
Сите вести од Бизнис

Најнови вести

To top