Бизнис

Volkswagen пред прекин на производството

Германскиот автомобилски гигант Volkswagen ги предупреди своите вработени за можен привремен прекин на производството поради недостиг на полупроводници (чипови)

1 минута за читање

Германскиот автомобилски гигант Volkswagen ги предупреди своите вработени за можен привремен прекин на производството поради недостиг на полупроводници (чипови). Како што е наведено во интерното соопштение од седиштето во Волфсбург, компанијата е подготвена брзо да реагира доколку ситуацијата дополнително се влоши. Според германскиот весник Bild, Volkswagen веќе стапил во контакт со германската агенција за труд за потенцијално воведување скратено работно време, што би можело да засегне десетици илјади вработени во различни фабрики на концернот.

Главната причина за проблемот лежи во нарушувањата кај холандската компанија Nexperia, во сопственост на кинески концерн, која е вовлечена во трговскиот спор меѓу Кина и Соединетите Американски Држави, според Wirtschaftswoche. Овие тензии може сериозно да ги загрозат испораките на електронски контролни единици неопходни за автомобилите на Volkswagen. Здружението на европски производители на автомобили (ACEA) и германското здружение на автомобилската индустрија (VDA) издадоа предупредувања за можни прекини во производството и ги повикаа властите да преземат мерки за обезбедување стабилни испораки.

Поврзани теми:

Кина|САД|фолксваген|прекин на производство|недостиг на чипови

Повеќе на оваа тема:

Најнови вести од: Бизнис

Со унгарски пари ќе се гради голема гасна централа во Македонија

Во последната деценија MET Holding стана еден од најголемите играчи на пазарот на гас во Централна и Источна Европа. МЕТ е основана во 2007 година од унгарската државна корпорација за гас „МОЛ“. Тогаш во медиумите се појавија обвинувања дека унгарскиот премиер Виктор Орбан стои лично зад развојот на МЕТ, користејќи раководни лица за пренос на целиот бизнис со гас од државната МОЛ на новата приватна компанија која во меѓувреме презеде удел. Во 2013 година е основана МЕТ Холдинг во Швајцарија, која е во стопроцентна сопственост на унгарскиот МЕТ.

КСС се согласува со владината понуда платите на административците да пораснат за 8% во рок од три години

Конфедерацијата на слободни синдикати уште од првиот момент ја прифати понудата кога таа беше изнесена, без опструкции, без калкулации и без злоупотреба на работниците. Нашиот став беше и останува јасен – секоја реална можност за подобрување на материјалната состојба на вработените треба да се искористи веднаш, велат од КСС.

Владата нуди унифицирана формула за покачување на платите

Владата има своја формула за пресметување на платите на вработените во администрацијата. Најголем дел од претставниците на синдикатите, и репрезентативните и од гранковите, се согласни со таа позиција на Владата, со неколку исклучоци. Формулата што ја нуди Владата во врска со тоа како ќе следи покачувањето на платите на административците етапно ќе значи повисоки примања за нив, а не само за онолку средства колку што ќе расте минималната плата.

Занаетчиите уплашени, ако порасне минималецот ќе мора да ги затворат дуќаните

Растот на минималната плата на 600 евра, иако на прв поглед звучи како чекор кон подобар животен стандард, може да има сериозни последици за занаетчискиот сектор и малите бизниси. Наместо поголема сигурност за работниците, овој потег ризикува да предизвика затворање на дуќани, отпуштања и дополнително осиромашување на локалните заедници, алармира Занаетчиската комора.

Макроекономските движења во согласност со очекувањата на Народна банка

На крајот на 2025, нивото на девизните резерви достигна 4.920,5 милиони евра и според сите релевантни показатели, обезбедува соодветна поддршка за одржување на стабилноста на домашната валута. Податоците од монетарниот сектор укажуваат на натамошна солидна кредитна поддршка за економијата и зајакнување на депозитната база на банките. Во четвртиот квартал од 2025, годишниот раст на вкупните кредити изнесуваше 13%, при годишен раст и на депозитите од 10%, што е малку над нивото проектирано за крајот на годината.

(Фото): Само во 2025. извозот на македонски производи преку „Лидл“ достигна 15,5 милиони евра

Свежото овошје и зеленчук се потврдија како еден од клучните извозни адути. Од вкупниот извоз преку Лидл, околу 5 милиони евра се однесуваат токму на оваа категорија. Извезени се 15 различни видови земјоделски култури од повеќе од десет домашни добавувачи, а најзастапени биле грозје, зелка, пиперка, моркови и домати. Овие производи имале добар пласман во Бугарија, Германија, Романија, Полска, Словачка, Србија и Чешка.
Сите вести од Бизнис

Најнови вести

To top