Бизнис

Земјоделците можат да здивнат, наскоро ќе се одблокираат парите од ИПАРД-3

Од сега, нов директор на платежната агенција е Даниела Лазарова Иротова, поранешен државен советник во Министерството за земјоделство која ќе ги движи процесите во Агенцијата за да нема паника кај земјоделците.

Институциите при Министерството за финансии ги почнаа контролите на ИПАРД-2 и ќе се воведат контролни механизми за да се зајакне процесот, изјави министерот за земјоделство Цветан Трипуновски кој денеска беше во Тутунскиот комбинат Прилеп пред почетокот на откупот на тутунот. Владата, посочи, е таа што ги стопира средствата од ИПАРД-3 програмата и таа ќе ја симне блокадата откако ќе завршат проверките. Трипуноски не може да прецизира до кога ќе траат, но за релативно брзо ќе има официјален податок.

  • Се прават дополнителни проверки и веднаш по таа проверка ќе си продолжи ИПАРД програмата да функционира во еден нормален тек, а Брисел ќе го известиме со конкретен план и кои контролни механизми ќе ги воведеме за да го дозајакнеме самиот процес. Сакам уште еднаш да бидам прецизно јасен – средствата од ИПАРД-3 програмата не се стопирани од Брисел, туку ги блокираа нашите структури за дополнително да провериме што се случувало во самата институција, Платежната агенција. Проверките ги прави посебното тело во состав на Министерството за финансии, инаку национален координатор за ИПА структурите. Колку ќе трае контролата не можам да кажам, но за многу скоро ќе се излезе со официјален податок. Повторувам, кога ние ја носиме одлуката за стопирање, ние ја носиме и одлуката за деблокирање на самиот процес, изјави Трипуновски.

Што се однесува до националната програма и исплатите, како што се субвенциите од јавните повици, меѓу кои за млад земјоделец, нема никаков проблем и таа програма продолжува.

  • Во делот на националните плаќања, јавните повици кои ги имаше Агенцијата, тие веднаш ќе си продолжат со нормална динамика да се спроведуваат, рече Трипуновски.

Од денеска, како што кажа, нов директор на платежната агенција е Даниела Лазарова Иротова, поранешен државен советник во Министерството за земјоделство која ќе ги движи процесите во Агенцијата за да нема паника кај земјоделците.

  • На последната владина седница минатата недела назначен е нов директор на Платежната агенција кој од денеска стапува на должност и ќе ги движи процесите во нормален тек за да не се појави паника или загриженост кај земјоделците, туку ќе продолжиме со тековно работење на Агенцијата. Новиот директор е Даниела Лазарова Иротова, поранешен државен соверник во Министерството за земјоделство, образложи министерот за земјоделство Цветан Трипуновски.

Инаку, ИПАРД-3 програмата е од 128 милиони евра и е седумгодишна, од 2021 до 2027 година. Дел средства се искористени.

Најнови вести од: Бизнис

(Видео): ТЕЦ „Неготино“ повторно ќе произведува струја, рече премиерот

Премиерот тврди дека струјата од ТЕЦ „Неготино“ би чинела од 170 до 175 евра за мегават-час. За три години е предвиден ископ и транспорт на три милиони тони јаглен од Косово, а ЕСМ подготвува набавка на 45.000 тони мазут.

Камата 4,6%, рок до 1 декември – Граѓаните можат да запишат обврзници од 10.000 денари

Четвртата емисија на Граѓански обврзници предвидува каматна стапка од 4,6 отсто и рок на достасување од две години. Запишувањето се врши во деловните банки, а аукцијата е закажана за 3 декември.

Просечна плата од 88.787 денари во ИТ секторот, во угостителството само 35.447 денари – на што се должи тоа?!

Растот на просечната нето-плата се должи на повисоките исплатени плати во секторот „снабдување со вода, отстранување на отпадни води, управување со отпад и дејности за санација на околината“, каде што е забележан раст од 11,6%.

Басани од Светска банка: Народна банка е силна институција што придонесува за стабилен и отпорен банкарски сектор

Басани нагласува дека осумдесетгодишнината на Народната банка е потсетник дека силните институции се градат со постојани вложувања, професионализам и континуитет низ генерациите.

“Комерцијална” влегува во трка за купување на „Алта банка“

Првата јавна берзанска аукција е закажана за 30 ноември, со почетна цена од 3.777 денари по акција. Доколку акциите не се продадат, предвидени се дополнителни аукции на 1, 2, 3, 4 и 7 декември, при што почетната цена на секоја следна аукција ќе се намалува за 10 проценти во однос на претходната

To top