Двајца возачи од Македонија се сопрени и санкционирани во Бугарија за „пребрзо возење – над 40 км/ч во населено место и над 50 км/ч надвор од населено место“ кон граничниот премин „Ѓуешево“ на бугарско-македонската граница.
Помладиот од нив, 22-годишен возач на „сеат леон“, го управувал возилото со 102 км/ч, а 36-годишен возач на „шкода“, државјанин на САД, возел со 100 км/ч.
Обајцата се спроведени од сообраќајната полиција до секторот „Патна полиција“ во Ќустендил, кадешто им е изречена забрана за управување „моторно превозно средство“ во траење од два месеца и отстранување на автомобилите од сообраќај во траење од еден месец. Возилата се оставени на паркингот на Окружната дирекција на Министерството за внатрешни работи во Ќустендил.
Покрај двајцата Македонци, идентично поминал и 60-годишен државјанин на Србија, кој во селото Грлјано возел автомобил „лотус“ со брзина од 99 км/ч.