Хроника

Карамбол во Шутка: Излетал со автомобил, покосил пешак, па влетал во двор

Извршен е увид од увидната екипа на СВР Скопје, а се преземаат мерки за целосно расчистување на случајот.

1 минута за читање

На 23 јули 2026 година, околу 22:30 часот, во СВР Скопје било пријавено дека на улица „Вашингтонска“ во Скопје, 62-годишниот Р.О. од Скопје, управувајќи со патничко возило „БМВ“ со белгиски регистарски ознаки, изгубил контрола врз возилото.

Тој удрил во ограда на двор, потоа во пешакот Ј.Д. (44) од Скопје, а потоа и во две паркирани возила во дворното место – „Фолксваген Пасат“ и „Опел“, и двете со скопски регистарски ознаки, кои припаѓале на пешакот Ј.Д.

Во сообраќајната несреќа, пешакот се здобил со тешки телесни повреди, додека возачот Р.О. претрпел телесни повреди. Повредените се згрижени во ЈЗУ „Св. Наум Охридски“ и Ургентниот центар при Клиничкиот комплекс „Мајка Тереза“ во Скопје.

Извршен е увид од увидната екипа на СВР Скопје, а се преземаат мерки за целосно расчистување на случајот.

Поврзани теми:

актуелно|Шутка|БМВ|карамбол

Повеќе на оваа тема:

Најнови вести од: Хроника

ТВ „Алфа“: Голема полициска акција во Прилеп, Охрид и Струга, поради сомничења за „бизнис“ со дрога – претреси на 30 локации, под лупа и полицајци!

Голема полициска акција е во тек во Прилеп, се вршат претреси претреси на 30 локации, осомничена е поголема група за активности поврзани со наркотици. Освен во овој град, претреси се прават и во Охрид и Струга, објави ТВ Алфа.

Условно осудениот Пецов – Ѓаволот си ја плати казната од 8.000 евра, а „рушветчијата“ Стафа бара условен отпуст!

Љупчо Пецов – Ѓаволот, осуден во предметот „Синџир“, ја уплатил паричната казна од 492.000 денари, односно околу 8.000 евра, информираат од Основниот кривичен суд Скопје. Пецов, кој беше осуден на условна казна затвор од две години, на 2 септември ја уплатил паричната казна, по што за тоа бил известен и Судот. Адвокатот Фехми Стафа, обвинет дека примил поткуп од 50.000 евра, за да влијае кај судија во предметот поврзан со Пецов, сè уште ја издржува затворската казна од една година и три месеци. Стафа сега бара условен отпуст!

Две и пол години затвор за вработената во МВР, што фалсификувала возачки дозволи, 1,3 години за возачите

Тројца обвинети во предметот за фалсификување возачки дозволи ја признале вината и добија затворски казни во скратена постапка. На првообвинетата, вработена во Министерството за внатрешни работи, ѝ е изречена казна затвор од две години и шест месеци. Второобвинетиот и третообвинетиот се осудени на една година и три месеци затвор. За сите тројца е продолжена мерката притвор, информираа на средба со новинарите во Основниот кривичен суд Скопје.
Сите вести од Хроника

Најнови вести

To top