Секретаријатот за внатрешни работи Битола до битолското Основно јавно обвинителство поднесе кривична пријава против М.Ѓ. (36) од градот на конзулите поради основано сомнение за сторено кривично дело „разбојништво во обид“.
Полициски службеници рано утрово во 1 часот го лишиле од слобода извршителот, во чиј дом при извршен претрес со наредба од Основен суд Битола бил пронајден и одземен пиштол.
Тој на 30 април во 18:10 ч. во канцеларија за кредитирање на ул. „Столарска“ во Битола се обидел да изврши разбојништво со закана со огнено оружје, но не успеал и се дал во бегство, соопшти Министерството за внатрешни работи.