Хроника

Измама со криптовалути во Велес: Кумановец платил 43.750 евра на „дигитален продавач“, кој потоа „испарил“!

Секторот за внатрешни работи (СВР) Велес работи на расчистување на огромна измама пријавена од 48-годишен жител на Куманово.

1 минута за читање

Тој преку оглас на социјалните мрежи за откупување на криптовалути стапил во контакт со лице, со кое договорил трансакција во крипто-менувачница во Велес. Оштетениот предал сума од дури 43.750 евра, по што вработениот во менувачницата го уверувал дека парите се префрлени на неговата дигитална адреса.

Сепак, криптовалутите никогаш не пристигнале, а лицето со кое преговарал потоа го блокирало и својот број и телефонскиот број на менувачницата.

Известен бил јавен обвинител и се преземаат мерки за целосно расчистување на настанот, соопшти СВР Велес.

Поврзани теми:

измама за криптовалути|актуелно|полиција|Велес|јавен обвинител

Повеќе на оваа тема:

Најнови вести од: Хроника

Гевгелискиот суд пресуди 18 години затвор за дојранецот, кој го претепа до смрт својот пријател

Основниот суд во Гевгелија му изрече казна затвор од 18 години на 56-годишниот Васил Режак од дојранското село Сретеново, кој беше прогласен за виновен за кривичното дело „убиство на свиреп начин“. Станува збор за првостепена пресуда, а обвинетиот ќе остане во притвор до нејзината правосилност.

По невремето во скопски Карпош покрај повредената жена (86) пронајдена и експлозивна направа!

МВР информира дека синоќа во 20:25 часот во СВР Скопје било пријавено дека на подрачјето на Карпош паднало дрво и со тешка телесна повреда се здобила К.М.(86) од Скопје, по што била пренесена во Јавна здравствена установа „Св.Наум Охридски” за укажување на лекарска помош.

Обвинителството: Отворена истрага за загадувањето на водата во Гостивар, побаран притвор за тројца осомничени

За трите лица вработени на одговорни функции во ЈП „Комуналец“, осомничени за загадување на водата во гостиварскиот водовод, ќе се бара притвор, а во зависност од новите докази, истрагата ќе се прошири. Пред судијата на претходна постапка осомничените од 12 часот даваат искази по што ќе биде познато дали ќе им бидат определени мерки за обезбедување.

Во туѓо име подигнувал надомест за невработени

Надворешната канцеларија за криминалистички работи Делчево поднесе кривична пријава против Ј.К.(52) од Саса,  Македонска Каменица, поради постоење основани сомнежи за сторено кривично дело „измама при добивање кредит или друга погодност” и против Б.К.(57) од Кочани за „поттикнување” во врска со „измама при добивање кредит или друга погодност”.

Жител (40) од Пробиштип подолго време им се заканувал на три жени и со употреба на електрошокови им изнудил 1800 евра!

Надворешната канцеларија за криминалистички работи Пробиштип поднесе кривична пријава против 40-годишен жител на Пробиштип, поради сомнение дека сторил кривично дело „изнуда“, соопшти Министерството за внатрешни работи.
Сите вести од Хроника

Најнови вести

To top