Инцидент со огнено оружје се случил рано утрово на локалниот пат меѓу населбата Карпош во Куманово и селото Никуљане во Општина Старо Нагоричане, кога од мопед во движење било пукано кон патничко возило.
Според МВР, околу 2:40 часот од мопед на кој се превезувале две лица биле испукани неколку куршуми кон „ауди“ со кумановски регистарски ознаки, управувано од 34-годишниот Д.Д. од Куманово.
Во инцидентот нема повредени лица. Екипа од СВР Куманово извршила увид на местото, а полицијата презема мерки за пронаоѓање на сторителите и целосно расчистување на случајот.