Снимка од безбедносна камера, објавена од телевизијата „21“, ја прикажува целата сцена на вооружениот напад што се случи попладнево во Куманово. На видеото се гледа како напаѓачот, облечен во качулка, се доближува до автомобилот со кој се возел д-р Зеќирија Шахини – носител на листата на ДУИ за советот на Општина Липково – и неколкупати пука кон него.
Наспроти првичната информација од МВР дека нападот го извршиле двајца напаѓачи, снимката покажува дека пукачот бил сам.
https://www.facebook.com/watch/?v=2991584567716606
Докторот Зекирија Шаини, кој беше повреден во оружен инцидент во Куманово, е во стабилна состојба, а повредите не се животно загрозувачки, информираа денеска од Министерството за здравство.
Од Министерството за здравство велат дека докторот веќе е во фаза на заздравување. Од Министерството најавуваат целосна поддршка за Шаини додека трае неговата рехабилитација.
Министерството категорично го осудува секое насилство врз здравствените работници и нагласува дека нивната безбедност е приоритет.