Педесет и деветгодишен жител на Скопје пријавил дека му било запалено патничкото возило на паркинг простор во близина на Бит Пазар.
Од Министерството за внатрешни работи информираат дека пријавата била поднесена во раните утрински часови, на 28 мај во 02:53 часот, во СВР Скопје.
Според пријавата, непознати сторители со запалива течност ја полеле задната десна страна од возилото „Ситроен Берлинго“ со скопски регистарски ознаки, при што било запалено задното десно тркало.
Пожарот бил забележан и изгаснат од соседите пред да се прошири на останатиот дел од автомобилот. Полициските службеници извршиле увид на местото.
Од МВР соопштија дека се преземаат мерки за целосно расчистување на случајот и идентификување на сторителите.