„Евроинтеграцијата“ и „Бугарскиот договор“ со „Преговарачката ј/рамка“ се во „клиничка смрт“ – Резолуцијата на ЕП е ништовна и во целосен судир со меѓународното право
Со Резолуцијата на Европскиот парламент бугарските и грчките европратеници, потпомогнати од одделни нивни европски колеги, но и од „централата“ на ЕУ во Брисел, се обидоа да ги „избришат“ клупите и подот на Европскиот парламент со македонскиот идентитет и јазик, но тоа не им беше можно да го сторат. Можеа само да се обидат и ништо повеќе, бидејќи македонскиот јазик и идентитет стојат на многу високо цивилизациско рамниште со својата древност и со неизмерниот придонес не само кон писменоста и просветата на сите словенски народи, туку и со придонесот кон подемот на сета европска цивилизација. По овие скандалозни противмакедонски случувања во Европскиот парламент и газењето на македонскиот идентитет и јазик, „македонската евроинтеграција“ е веќе западната во „клиничка смрт“, а во исто време и „Бугарскиот договор“, злогласниот втор и другиот протокол, плус „Преговарачката рамка“ (многу поточно речено „Преговарачка јамка“), како и „францускиот предлог“.