Колумни

Ќотекот не излегол од рајот – Пишува Роберт Димитриевски

Фраери ли се сега доживотно дисквалификуваниот „фудбалер“ на Шкупи и неговиот притворен татко за насилство на теренот во Штип

3 минути за читање

Фудбалската кариера на Леарт Абдули заврши уште пред да почне. Фудбалската федерација на Македонија го исклучи од фудбалската организација, најтешка можна санкција што подразбира доживотна дисквалификација на играчот од подмладокот на Шкупи, кој сега може да „клоца“ топка само приватно, но не и во кој било ранг на натпреварување каде и да е во светот. А татко му заврши во притвор и го чека експресно судење и најверојатно затвор за скршениот нос на младиот фудбалер на Брегалница со кој син му се обиде да се пресмета на теренот и за физичкиот напад врз уште едно дете од младинскиот погон на штипјани.

И сега – вредеше ли дивјачкото однесување на двајцата првоосомничени за тешкиот инцидент на игралиштето „Бело брдо“ во Штип? Се исплатеше ли примитивизмот манифестиран пред очите на млади фудбалери и на нивните родители? Испаднаа ли фраери обајцата (и уште неколкумина)? Херои ли се меѓу своите?

Каков пример им дадоа таткото и синот на сите што тренираат фудбал и што сонуваат дека еден убав, сончев ден ќе заиграат на големата сцена? Дека со насилство може да се оствари целта што не се остварила со умешност, со талент и со фудбалски вештини на теренот?

И вооопшто не е важно дали некој е Албанец, Македонец или не знам од која националност. Прво си или не си човек, а потоа доаѓа етничката, верската, социјалната или каква и да е друга припадност.

Тој што е човек во вистинската смисла на зборот, нема да му падне на ум да крене рака на друго дете, па што и да сторило тоа. На тој што е верник бездруго му е јасно дека секоја религија учи за човечност, за емпатија и за помагање секому во неволја и оти никој нема право да му суди на друг, оти тоа право му припаѓа на Бог. Сите припадници на една цивилизирана заедница, пак, знаат дека постои закон и оти тој мора да се почитува, вклучувајќи ги и спортските терени, на кои никој не смее да спроведува правда според сопствена замисла.

Срамните сцени во Штип, за жал, не се ни први, а тешко е да се верува дека ќе останат последни на овие простори. Нереалните амбиции и очекувања на родителите предизвикаа тензии и на крајот од минатата сезона во Детската лига на ФФМ, а безобѕирните постапки на актерите на и вон теренот не еднаш прекинале спортски настани во земјава, со или без национален предзнак, сеедно.

Спортот е огледало на општеството, па сета бедотија на (не)човечкото однесување видено во Штип, за жал, не е ниту изненадувачка, ниту неочекувана. Тоа што го очекува огромното мнозинство нормални граѓани е стриктно почитување и спроведување на законите, за посегањето по здравјето на туѓо дете да му биде последно секому што мисли дека тие не важат за него и оти правдата не може да го стигне.

Ќотекот не е излезен од рајот, колку и да уверуваат скромноумни егземплари на плиткоумно терање по свое.

Поврзани теми:

Штип|колумна|Роберт Димитриевски|фудбал|Шкупи

Повеќе на оваа тема:

Најнови вести од: Колумни

Преобјавен „Абецедарот“ за македонските деца во Егејска Македонија од 1925, кој е сведоштво за посебноста на македонскиот народ со својот македонски јазик

Во 1925 година се успеа преку тогашното Друштво на народи, кога не постоеше држава на македонскиот народ, да се издејствува „Абецедар“ за македонските деца во Егејска Македонија, макар и по барање на тогашна Бугарија и поради нејзините асимилаторски стремежи кон македонскиот народ. Денес, кога постои македонска држава на македонскиот народ, оваа Република Македонија, зошто да не се побара пак заштита за македонскиот јазик во Грција овој пат и од ЕУ и од Организацијата на ООН, како наследничка на некогашното Друштво на народи, па пак да се отпечати македонски овојпат „Буквар“, а не „Абецедар“ за македонските деца? Со барање и да се воведе македонскиот јазик во грчките училишта?! Правото на употреба на мајчиниот јазик е неотуѓиво право на секој народ и секое национално малцинство во Европа и светот, тоа право е загарантирано со сите европски конвенции и со конвенциите на ООН. Грција е обврзана со сите овие конвенции да ја овозможи употребата на македонскиот јазик во училиштата за македонските деца.

Во непокорена Македонија последниот збор го имаат македонскиот народ и сите други граѓани, не странците, а општините не се ничија „етничка сопственост“

Отсега натаму ќе претстои потребата за изнаоѓање нови точки на заедничко градење развој и перспектива, за создавање нова „македонска национална енергија“ во македонското национално тело. Но по овие локални избори ќе претстои нужно и неизбежно создавање нова и „македонска државна енергија“ заедно со Албанците и другите етнички заедници во смисла на заедничко градење на правецот на развојот на државата, во која сите имаат еднакви стремежи, потреби, права и интереси.

Се согласувам со Филипче – Воопшто не е лошо, напротив битна е перспективата

СДСМ оствари чиста, пефектна победа во Кривогаштани и уште во две општини во првиот круг. Има шанса уште во пар други. Во бастионот Струмица свесно беше жртвувана кралица во ликот на Костадинов

Лаен доаѓа со „европски булдожер“ во нов обид да го „раздроби“ „ѕидот“ на отпорот против бугаризацијата на македонскиот народ и држава (2)

Шпанија и Словачка во своите устави по никоја основа не предвидуваат и не дозволуваат национални малцинства, или етнички групи да можат да здобијат во нивните устави статус како „државотворни народи“, за да не им се овозможи на односните малцинства, или етнички групи, да здобијат право, согласно со меѓународното право, на територијална автономија и самоопределување до отцепување од овие две држави. Односно, право да прогласат сопствена држава на „својот дел“ од територијата на Шпанија и Словачка и потоа да ги припојат кон „своите матични држави“. Ова го истакнуваат реномирани европски и светски експерти за уставно право и политички науки. Токму тоа го бара Бугарија за „бугарските државотворци“ во Македонија, токму ова штедро го поддржуваат Урсула фон дер Лаен и ЕУ! Зошто Лаен не оди и во Шпанија и Словачка и таму да бара промени во нивните устави, па да добијат и некои од тамошните национални малцинства уставен статус како „државотворни елементи“ на Шпанија и Словачка (патем и членки на ЕУ!), па да имаат право на отцепување „свои делови“ и од териториите на Шпанија и Словачка и припојување на тие делови кон „своите матични држави“?!

Лицемерието на стратегискиот партнер на Бугарија – Германија кон Македонија и принципиелната и пријателска поддршка од Словачка (1)

Водечката германска партија АФД бара „алтернатива за Германија“ и „иднина надвор од сегашната ЕУ“, во „Европа на суверени нации.“ – не смее ли и Македонија да го бара тоа, алтернатива за Македонија, не смее ли и таа да се стреми кон „ЕУ на суверени нации“?! Патот по кој одат Словачка и другите држави од „Вишеградската група“, патот на сѐ посамостојно одлучување, иако се членки на ЕУ, треба да го следи и Македонија како кандидатка за во ЕУ.

Ако не се урне сценариото за уривање на Македонија, Македонците ќе станат бестатковинци – новите „Курди во Балканот“

Французите ги уриваат Макрон и неговата влада, ама не ја уриваат и Франција како држава, што е целта со Македонија! Се обидуваат и Германците да ги урнат германската владејачка коалиција и Мерц, ама не се стремат да ја урнат Германија како држава, што е целта со Македонија! Потребно е македонско национално и македонско државно единство во напорите за создавање услови за подобар живот за сите граѓани без оглед на етничката и политичката припадност, отфрлајќи било чии меѓународни замешателства во нашите внатрешни работи.

Макронова Франција, која се меша во внатрешните работи на многу држави, е „санстефанска маќеа“ за Македонија, а „европска мајка“ за Бугарија! (2)

Со оглед на активираното сценарио за уривање на Македонија како држава, ќе мора локалните избори на 19 октомври да бидат не само изјаснување за нови, поквалитетни локални власти и подобро функционирање на општините, туку и референдум за опстојот и просперитетот на Македонија како држава и заеднички дом за сите нејзини граѓани, без оглед на нивната етничка и политичка припадност.
Сите вести од Колумни

Најнови вести

To top