„Националната алијанса за интеграција (НАИ) не е само за општински избори, туку има голема национална мисија: целосна интеграција на С.Македонија во Европската Унија.“ – кажа лидерот на ДУИ Али Ахмети на синоќешниот митинг во Куманово. Ова го објави информативниот портал на албански јазик „Тетова сот“:
Натаму порталот наведува: Според Ахмети, „НАИ е напредна и визонерска сила на албанската политичка сцена, за разлика, како што наведе, „од ‘дериватите’ од Демократската унија за интеграција, кои се оддалечиле од својата мисија и ги изманипулирале гласачите со лажни ветувања за промени“.
На митингот во Куманово Али Ахмети повика на „целосна мобилизација на албанските гласачи“ на локалните избори на 19 октомври, нагласувајќи ја „историската важност на овој момент за Албанците во С.Македонија“.
Ахмети побара од сите Албанци да ги поддржат кандидатите за претседатели на општини и листите за советници на Националната алијанса за интеграција. „На 19 октомври ќе се гласа за албанската гордост. Секој глас е важен за заедничката иднина. Албанците повеќе немаат време да трпат понижување и лажно претставување.“ – рече челникот на „интегративците“ синоќа во Куманово. – извести „Тетова сот“.