Македонија е меѓу членките на НАТО во кои е зголемена поддршката за Русија и за Кина, покажуваат податоците на интерната анкета на Алијансата до кои дошол порталот „Политико“.
Според анкетата, 17 проценти од луѓето во членките на НАТО сега имаат позитивен став кон Русија, во споредба со 12 отсто минатата година, а 56 проценти гледаат негативно на Русија, во споредба со 62 отсто во 2025 година. Поддршката за Москва е највисока во Црна Гора, Бугарија, Македонија, Турција и Грција.
Во меѓувреме, 22 проценти од граѓаните на НАТО сега гледаат позитивно на Кина, во споредба со 17 отсто минатата година. Уделот на оние кои го гледаат Пекинг негативно се намали од 47 проценти на 39 проценти. Поддршката е највисока во Македонија, Црна Гора, Бугарија, Словенија и Турција, пишува „Политико“.