Шефот на изборниот штаб на коалицијата Вреди Аднан Азизи, во интервју за весникот на албански јазик „Лајм“ изјави дека сите општини, со кои раководела ДУИ, биле „општини со дембели“, поради, како што наведе, „нула реализирани проекти“.
„Лајм“ пишува: Според Азизи, „покрај тоа што ја задолжиле општина Тетово со околу 24 милиони евра, ДУИ не работеле на ниеден од проектите, ветени за оваа општина“.
„ДУИ нема понуда за локалните избори, нема ниеден стратегиски проект за општините, во кои живеат и Албанци. Општините управувани од ДУИ се општини со дембели, со нула реализирани проекти. Не знам со што можат да да се пофалат за досега и со што можат да истапат за овие локални избори. А што постигнаа оние општини, со кои раководевме ние додека бевме во опозиција? Општина Желино е пример во овој поглед. Општина Тетово има реализирано повеќе од 200 проекти. А додека ДУИ раководеше со општина Тетово ја остави со долг од 24 милиони евра и ние не знаеме за ниеден проект што е реализиран во Тетово.“ – изјави Аднан Азизи за „Лајм“.