Македонија

„Безбеден град“ преполови брзи возачи за 24 часа – но не и пијаните

Алкохолот останува еден од најголемите непријатели на безбедноста во сообраќајот во Македонија. Иако новиот систем „Безбеден град“ драстично ги намали прекршоците за брзина и поминување на црвено светло, камерите не можат да детектираат пијани возачи – тој ризик и натаму зависи исклучиво од свеста на возачите и од контролите на сообраќајната полиција со дрегер.

2 минути за читање

Алкохолот останува еден од најголемите непријатели на безбедноста во сообраќајот во Македонија. Иако новиот систем „Безбеден град“ драстично ги намали прекршоците за брзина и поминување на црвено светло, камерите не можат да детектираат пијани возачи – тој ризик и натаму зависи исклучиво од свеста на возачите и од контролите на сообраќајната полиција со дрегер.

Статистиката за последните четири години и првите девет месеци од 2025 година покажува загрижувачки пораст на возењето под дејство на алкохол во поголемите градови. Скопје традиционално е на врвот: од 2.450 евидентирани прекршоци во 2021 година, бројот скокна на 4.000 во 2023 година. Сличен раст бележат и Куманово (од 1.180 на 1.905), Струмица (од 818 на 1.626) и Велес (од 978 на 1.407). Охрид е единствениот поголем град каде што во 2024 и 2025 година се забележува благ пад по пикот од 1.110 прекршоци во 2023 година.

Само во периодот јануари – септември 2025 година низ целата држава се регистрирани 7.355 пијани возачи, од кои најмногу повторно во Скопје (1.312), Куманово (1.104) и Струмица (1.081).

За разлика од алкохолот, системот „Безбеден град“ веќе дава видливи резултати. Во првите 24 часа од тест-периодот на 1 декември камерите евидентирале 110.000 прекршоци, но веќе следниот ден (2 декември) бројот падна на 50.652 – преполовување за само еден ден. Од нив дури 48.861 се за пречекорување на брзината, 1.366 за поминување на црвено светло и 425 за нерегистрирани возила. Најголемата измерена брзина изнесувала 209 км/ч.

Од МВР истакнуваат дека возачите брзо се прилагодуваат: штом сфатиле дека опомените се реални, драстично го намалиле прекршувањето. „Жешките точки“ за брзо возење се наоѓаат на излезот од Скопје кон Тетово и на булевар „Никола Карев“, додека најмногу црвени светла се поминуваат на раскрсницата „Цветан Димов“ – „Џон Кенеди“.

Во текот на декември возачите добиваат само предупредувања. Од јануари 2026 година системот влегува во целосна примена, без толеранција и со казни согласно последните измени на Законот за безбедност на сообраќајот на патиштата. Засега со камери се опфатени Скопје, Тетово, Куманово и автопатите по коридорите 8 и 10, а до средината на 2026 година целата територија на државата ќе биде под видео-надзор.

Поврзани теми:

актуелно|Македонија|алкохол|„Безбеден град|Возење под дејство на алкохол

Повеќе на оваа тема:

Најнови вести од: Македонија

(Фото): За шверцот на марихуана во Србија ќе одговараат сите инволвирани

Ќе мораме како јавност да имаме разбирање дека можеби е еден од најголемите кривично-правни процеси коишто ќе треба да бидат сработени од страна на Министерството за внатрешни работи заедно во соработка, особено со Финансовата полиција, Управата за финансиско разузнавање, Царина и Јавното обвинителство, рече Тошковски.

Петрушевски: Паника и хистерија во СДС, кој ќе седне на обвинителна клупа по сведочењето на Груби?!

Осврнувајќи се на темата за поранешниот вицепремиер Артан Груби во владата на СДС, пратеникот од ВМРО ДПМНЕ Бране Петрушевски истакна во емисијата „Анализа“ на ТВ 24 дека би требало институциите независно да постапуваат во тој случај. Според него, опозициската СДС стравува од тоа што би изнел Груби пред обвинителството и кој би седнал до него на обвинителната клупа, ако она што тој го изнел иницира поширока одговорност за можни злоупотреби во рамки на поранешната влада.

Нова трагедија со паѓање од балкон овојпат на 10-годишно дете во Тетово

„Денеска, на 3.03.2026 година околу 9 часот во СВР Тетово било пријавено дека во Клиничка болница Тетово било донесено починато 10-годишно момче од Тетово. Според пријавеното, детето кое било со здравствени проблеми паднало од тераса од станот во кој живеело во Тетово. Животот го изгубило по паѓањето од балконот.“ – соопшти денес тетовска полиција.

Тошковски: Стојанче Јовановски, сопругот на починатата, која се фрли со ќерката од зградата, имал обемно криминално досие

Министерот за внатрешни работи Панче Тошковски денеска на прес-конференција истакна дека Стојанче Јовановски по вчерашниот настан е лишен од слобода поради сомнение за сторено кривично дело, по што ќе му биде поднесена соодветна кривична пријава по брза постапка.

Сиљановска Давкова – Руте: Македонија игра значајна улога во заштитата на безбедноста на Западниот Балкан

„Денешните сложени безбедносни околности бараат будност, подготвеност, јакнење на активностите на инструментите за рано предупредување и посилни и одржливи инвестиции во одбранбените капацитети. Македонија е верен сојузник на НАТО и придонесува за безбедноста на целиот регион, нагласија на заедничката прес-конференција претседателката на Република Македонија Гордана Сиљановска Давкова и генералниот секретар на НАТО Марк Руте, кој е во официјална посета на македонската држава.

„Самсунг“(„Samsung“) го унапредува Galaxy AI и поврзаниот екосистем на Светскиот конгрес за Мобилни технологии 2026

Надоврзувајќи се на моментумот од Galaxy Unpacked настанот, „Самсунг“ („Samsung“) ја претставува серијата Galaxy S26 и својата визија за агентска вештачка интелигенција, со подлабоки еко-системски искуства низ Galaxy S серијата и уредите за носење

Тошковски: Пред падот од балкон интервенирала полиција, но жртвата негирала дека била тепана(ВИДЕО)

Трагедијата во скопската населба Карпош, каде животот го загубија жена и нејзиното малолетно дете по пад од балкон на висококатница, предизвика голем шок во јавноста. Министерот за внатрешни работи, Панче Тошковски, денеска даде детали за случајот и за постапките на полицијата.
Сите вести од Македонија

Најнови вести

To top