Марко Атила Хоаре, британски професор по балканска историја, го поддржува премиерот Енди Барнам да не ѝ ги врати Елгиновите мермери на Грција, како една од причините наведувајќи го и грчкото малтретирање на Македонија.
„Браво, премиере. Грција ја поддржуваше агресијата и геноцидот на Милошевиќ во текот на 1990-тите и со децении немилосрдно ја малтретираше Македонија за да го промени своето име. Ги крши санкциите кон Русија и нема да ја признае независноста на Косово. Ги крши правата на своите турско и македонско малцинство, одбивајќи да го признае нивното етничко постоење и спротивставувајќи се на пресудите на Европскиот суд за човекови права што се однесуваат на нив. Апсолутно не треба да ѝ се вратат Елгиновите мермери додека не се поправи“, порача Хоаре на Икс.
„Со тоа што ѝ дозволи на Грција да ја држи Македонија надвор од НАТО и ЕУ со децении поради спорот за името, Западот испрати јасна порака: ‘Земјите-членки можат да ги злоупотребат нашите процеси на пристапување за да ги спроведат своите ситни, глупави, злобни националистички вендети’. Слушајќи ја оваа порака, Бугарија го презеде малтретирањето на Македонија, додека Турција и Унгарија ги попречија Шведска и Финска да се приклучат кон НАТО. Смирувањето на ‘сојузничките’ насилници нè чинеше“, коментира професорот во поврзана објава со претходната.
Well done, Prime Minister. Greece supported Milosevic's aggression and genocide throughout the 1990s, and mercilessly bullied Macedonia for decades to change its name. It breaks sanctions on Russia and won't recognise Kosovo's independence. It violates the rights of its Turkish…
— Marko Attila Hoare 🇬🇧🏴🇺🇦🇬🇱🇪🇺 (@markoah) August 30, 2026