Македонија

Чаир со свој „ Мастер План“

Тим од турски експерти, на чело со Бајрам Вардар, е ангажиран за изработка на развојниот Мастер План за општина Чаир, предложен од кандидатот за градоначалник Изет Меџити.

2 минути за читање

Тим од турски експерти, на чело со Бајрам Вардар, е ангажиран за изработка на развојниот Мастер План за општина Чаир, предложен од кандидатот за градоначалник Изет Меџити. Со нивното долгогодишно искуство во урбанистичко планирање, архитектура и просторно управување, се очекува овој тим да создаде современа и одржлива визија за иднината на општината.

Во групата експерти се вклучени:

  • Надир Доган, урбанист со диплома од Универзитетот „Гази“ и основач на компанијата ND İMAR A.Ş.. Тој е специјализиран за изработка на просторни планови за големи градови како Истанбул, Бурса, Кожаели и Трабзон, како и за проекти за урбана трансформација.

  • Д-р Мустафа Тутар, архитект со диплома од Техничкиот универзитет во Истанбул, магистерска титула од Универзитетот Мисури во САД и докторат во областа на урбанизмот. Како универзитетски професор и основач на Saydam Tasarım, тој има реализирано преку 800 меѓународни проекти во архитектонски дизајн и визуализација.

Заедно со локални урбанисти и архитекти, тимот ќе работи на Мастер План кој ќе ја трансформира Чаир во пример за одржлив урбан развој во рамките на Скопје. Планот ќе се фокусира на интеграција на современи урбанистички решенија, со акцент на функционалност, одржливост и подобрување на квалитетот на животот на жителите.Овој проект има за цел да ја позиционира Чаир како лидер во одржливиот развој, комбинирајќи меѓународни стандарди со локалните потреби и специфики на општината.

Поврзани теми:

градоначалник|Чаир|Изет Меџити|Бајрам Вардар

Повеќе на оваа тема:

Најнови вести од: Македонија

(Видео): Нула денари од Буџетот за прославата за независноста, за разлика од 8,2 милиони евра „во воздух“ кај Груби и Бајрами, велат од Владата

На Државна лотарија ѝ било укажано да обезбеди средства од нераспределената добивка предвидена за 2024 година во висина од 300 милиони денари за спонзорирање на настаните како и да објави јавен повик за прибирање на понуди за реализација на спонзорираните настани.

Клековски: Западнонилската треска стивнува, на Клиниката за инфективни болести сe згрижени шест пациенти

Министерот за здравство Сашо Клековски вели дека епидемијата на западнонилската треска стивнува, за што говорат податоците дека во последните две седмици има по два нови случаја, а и на Клиниката за инфективни болести моментно се згрижени шест пациенти, од кои само двајца се во потешка состојба.

Мицкоски: Колку и да сакаат да го оцрнат работењето на оваа Влада, денес многу подобро се живее отколку пред 3 години!

„Пред 25-26 месеци наследивме  уништени институции, ограбена економија, клекната на колена држава, разочарани и демотивирани граѓани. И сега,  колку и да сакаат да го оцрнат тоа што денеска оваа Влада го работи, ќе мора сите да се согласиме дека денеска многу подобро се живее од тоа што беше пред три години.“ – изјави денеска премиерот Христијан Мицкоски, одговарајќи  на новинарско прашање во врска со забелешките на опозицијата околу порастот на бруто-домашниот производ.

„Babuna Red 2023“ на „Тиквеш“ го освои Лондон: Престижен трофеј за најдобро црвено вино од Македонија

На свечениот настан за доделување на наградите освоени на годинешниот International Wine Challenge (IWC), што се одржа на 8. септември во Лондон, трофејот за „Babuna Red 2023“ за најдобро црвено вино од Македонија, му беше врачен на претседателот на Управниот одбор на ВВ „Тиквеш“, Светозар Јаневски. Со оваа награда, „Babuna Red 2023“ се вбројува меѓу вината што оставија најсилен впечаток на едно од највлијателните и најценети светски вински натпреварувања, потврдувајќи го квалитетот, автентичноста и меѓународниот потенцијал на македонското вино. Ова престижно признание има и дополнителна тежина бидејќи „Babuna Red 2023“ на истиот натпревар освои и златен медал со високи 95 поени, издвојувајќи се меѓу најдобро оценетите вина во својата категорија.
Сите вести од Македонија

Најнови вести

To top