Македонија

Чучуљ: Ја поздравуваме секоја иницијатива за борба против корупцијата, ќе постапуваме секаде каде има основа

„Секогаш треба да се има предвид дека Државната комисија за спречување на корупцијата е превентивно тело и нашите капацитети се ограничени во врска со истрагата. Ние во нашиот дел секогаш постапуваме.“ – истакна новиот претседател на Антикорупциската комисија Адем Чучуљ во вечерашното гостување во централниот дневник на телевизија „Сител“ како одговор на повикот, што го упатија до него пред три дена „антикорупционерите“ од СДС „веднаш да се зафател со случајот“, за кој оваа партија тврди дека е „корупциски скандал тежок девет милиони евра, поврзан со власта“. Ставот на Чучуљ е и негово позиционирање во врска со најавите на опозициската СДС дека од утре ќе објавува „снимки за коруптивното работење на власта“.

2 минути за читање

„Ја поздравуваме секоја иницијатива било да е од политичка партија, здружение на граѓани, медиуми за борба против корупцијата. Ќе ги следиме сите јавни настапи било на медиумите, опозицијата или власта и секаде каде има основа за наше постапување, ќе постапуваме.“ – изјави Адем Чучуљ.

Во однос на тоа дали има потреба да се ревидираат предметите на претходната претседателка на ДКСК Чучуљ е на став дека нема потреба од такво нешто, затоа што сите одлуки на Комисијата се усвојувале на јавни седници и со мнозинство гласови. Околу распределбата на предметите, Чучуљ појаснува дека таа се врши по електронски пат и оти претседателот на Комисијата нема никакво влијание. Вели дека овој систем на распределба ќе го продолжи и тој како претседател.

– Сите одлуки на Комисијата се донесуваат на јавни седници согласно законот и истите се објавуваат на веб страницата. Сите одлуки се донесени и со мнозинство во мандатот на претходната претседателка така што во тој дел немам дилеми дека има простор за злоупотреба. Во однос на распределбата на предметите уште постеснено е влијанието на било кој во Комисијата од причина што согласно Деловникот за работа предметите се распределуваат електронски врз основа на приципот на ротација. Токму претходната претседателка го смени начинот на распределба на предметите во позитивна насока, не по азбучен ред како што беше, туку по случаен избор што значи системот ги распределува предметите, не постои никакво влијание на претседателот во тој однос, подвлече Чучуљ.

За неговиот избор за претседател на Комисијата и едногласната поддршка од сите пратеници, Чучуљ вели дека тоа го чувствува како морална и професионална одговорност да ја оправда довербата со работа. Тој најавува поголема транспарентост кон медиумите иако вели дека и досега Комисијата била транспарентна затоа што сите нејзини седници биле јавни и имало дел за прашања и предлози. Новина, како што најавува, ќе биде тоа што после една или две седници, Комисијата ќе свикува брифизи со новинарите, а во подготовка е и нова стратегија за основи со јавноста.

MИА

Поврзани теми:

избор|ВМРО-ДПМНЕ|СДС|Антикорупциска комисија|актуелно

Повеќе на оваа тема:

Најнови вести од: Македонија

Вештачката интелигенција е секојдневие за македонските ученици, но сепак имаат слаби резултати во математика, читање и наука!

Македонските ученици постигнале пониски резултати од просекот на земјите од ОЕЦД во сите три главни области – математика, читање и наука, како и во решавање компјутерски проблеми, покажува тестирањето, кое ги мери вештините за решавање проблеми и примената на знаењето во реални ситуации.

Мицкоски: Владата прави методологија струјата да не поскапи, а ако е можно – и да поевтини!

Владата прави методологија за да се задржи истата цена на струјата, но се обидува македонските граѓани да имаат и поевтина струја, најави денеска при посетата на Штип претседателот на Владата Христијан Мицкоски, кој одговараше на новинарски прашања дали ќе се зголеми цената и каква е енергетската слика во земјата.

Мицкоски: Промакедонската Влада на Македонија „потроши“ НУЛА денари за концертот на Гета и другите настани за одбележувањето на независноста!

Премиерот Христијан Мицкоски денеска откри колку пари од државниот буџет биле „потрошени“ за целокупната едномесечна програма за одбележување на 35 годишнината од независноста на Македонија.

Јаневска: Изборниот предмет „Сеопфатно сексуално образование“ го повлекуваме, заради длабока ревизија по барање на јавноста

Изборен предмет „Сеопфатно сексуално образование“ во средно образование ќе нема. МОН одлучи да ја повлече наставната програма за да се направи ревизија. Ова денеска го соопшти министерката за образование и наука Весна Јаневска по реакциите за воведувањето на овој предмет по избор за средношколците од прва до четврта година.

Вчера битолчанецот Михаил Николовски (15) спаси тричлено бугарско семејство од давење во разбеснетите бранови на Егејското Море во Грција!

Вистинска драма вчера се случила на плажата во Олимпијада, Грција, каде што силните бранови и подводните струења за малку ќе го однеле во смрт цело тричлено семејство од Бугарија. Во моментите кога жената панично повикувала на помош, од присутните на плажата реагирал 15-годишниот битолчанец Михаил Николовски. Без двоумење влегол во разбрануваното море.

Од 253 грама до 201 грам: Најлесниот Fold во светот

Откако го претстави првиот Galaxy Fold со тежина од 276 грама во 2019 година, Компанијата Самсунг („Samsung“) продолжи да го проширува она што може да биде еден преклопен паметен телефон, унапредувајќи го дизајнот на шарките и екранот, издржливоста и употребливоста со секоја генерација
Сите вести од Македонија

Најнови вести

To top