Македонија

ДИК ги објави првичните резултати: убедлива победа на ВМРО-ДПМНЕ и во вториот круг

Според првичните резултати, кандидатите на ВМРО-ДПМНЕ и Коалицијата водат во 21 општина, кандидатите на Коалицијата Вреди во четири општини, кандидатите на СДСМ и Коалицијата во три, додека Движењето ЗНАМ, Унија на Роми, Национална Алијанса за Интеграција – НАИ и Група избирачи Менди Ќура освоија по една општина.

2 минути за читање

Државната изборна комисија ги објави првичните неофицијални резултати од гласањето во вториот круг на локалните избори 2025 година, спроведени во 32 општини и во Градот Скопје. Претседателот на ДИК Борис Кондарко информира дека од обработени 98,25 отсто од избирачките места, гласале вкупно 415.435 граѓани, или 41,76 проценти на ниво на државата.

Во Скопје кандидатот на ВМРО-ДПМНЕ и Коалицијата Орце Ѓорѓиевски доби поддршка од 93.207 граѓани, додека неговиот противкандидат од Левица, Амар Мециновиќ освои 58.994 гласа, или 36,26 проценти од вкупните гласови. Излезноста во главниот град изнесува 35,05 проценти. Во Аеродром, од обработени 99,9% податоци, за актуелниот градоначалник Дејан Митески од ВМРО-ДПМНЕ гласале 17.873 граѓани, додека за Александар Трајановски од СДСМ 9.489. Во Боговиње, Фети Абази од Вреди доби 6.380 гласа, а Бесник Емши од НАИ 5.040.

Во Брвеница Јовица Илиевски од ВМРО-ДПМНЕ освои 4.369 гласа, додека Хаким Рамадани од Вреди 4.224. Во Валандово Ѓоко Камчев од ВМРО-ДПМНЕ доби 3.258 гласа, а Перо Костадинов од СДСМ 3.012. Во Виница Митко Костадиновски од ВМРО-ДПМНЕ освои 4.449 гласови, додека Гоце Милевски од СДСМ 3.320. Во Карпош Сотир Лукровски од ВМРО-ДПМНЕ доби 12.650 гласови, а противкандидатот Стевчо Јакимовски 11.421. Во Кичево Александар Јовановски од ВМРО-ДПМНЕ доби 14.205, а Фатмир Дехари од НАИ 11.908.

Во Крушево, тесен пресврт донесе победа на Нико Чонески од ВМРО-ДПМНЕ со 2.662 гласа, додека Томе Христовски од СДСМ доби 2.643. Во Тетово Бајрам Реџепи од НАИ освои 15.958, додека Биљал Касами од Вреди 21.004. Во Центар актуелниот градоначалник Горан Герасимовски од СДСМ освои 10.429 гласа, додека Мирослав Лабудовиќ од Движењето ЗНАМ 7.578. Во Шуто Оризари актуелниот градоначалник Курто Дудуш од Унија на Роми доби 3.354 гласа, а противкандидатот Ерџан Демир од ВМРО-ДПМНЕ 2.991.

Претседателот на ДИК Кондарко посочи дека согласно со Изборниот закон како избран во втор круг се смета кандидатот, што добил мнозинство од вкупните излезени гласачи. Тој најави дека денес, на 3 ноември 2025 година, на јавна седница ќе бидат објавени првичните официјални резултати. Роковите за приговори ќе започнат веднаш по нивното соопштување.

Нетпрес

Поврзани теми:

ДУИ|ЗНАм|СДСМ|ВМРО-ДПМНЕ|Национална алијанса за интеграција|Државна изборна комисија|локални избори 2025|ВРЕДИ

Повеќе на оваа тема:

Најнови вести од: Македонија

(Фото): Нема да дозволиме профитерство, рече Мицкоски по средбата со газдите на маркетите

По средбата на претставниците на маркетите и премиерот во Владата е заклучено дека не треба да има ново зголемување на цените. Премиерот порача дека нема да се дозволи профитерство на грбот на граѓаните.

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .
Сите вести од Македонија

Најнови вести

To top