Оперскиот уметник и јавен коментатор Игор Дурловски со остра реакција на социјалните мрежи го критикуваше јавниот дискурс поврзан со поранешниот премиер Зоран Заев, посочувајќи дека станува збор за длабока морална и интелектуална празнина во која, како што наведува, секој обид за „висока мисла“ завршува како пародија.
Во таа насока, Дурловски директно се осврнува и на анализата на професорот Љубомир Фрчковски, објавена во медиумски простор, оценувајќи ја како пример за елитистички и самореферентен наратив, кој, според него, повеќе служи за оправдување на политички позиции отколку за суштинска и аргументирана јавна дебата.
Според Дурловски, ваквите анализи не придонесуваат за продлабочување на јавниот дијалог, туку го сведуваат на плитка реторика и интелектуална манипулација, со што дополнително се нарушува кредибилитетот на јавната сцена.
Објавата предизвика силни реакции и поделени мислења на социјалните мрежи, повторно отворајќи ја прашањето за одговорноста на јавните личности и интелектуалци во обликувањето на политичкиот и општествениот дискурс во земјава.
Поврзани вести