Имамот Зекирија Бајрами од Скопје, познат по своите религиозни објави, се вклучи во поддршка на протестите против албанскиот премиер Еди Рама преку пораки со верска содржина и клетви објавени на Фејсбук.
Во текот на октомври Бајрами објавил неколку пораки во кои бара Божја помош за студентите и патриотите, како и заштита од „замките на криминалците“.
Во една од нив Бајрами напишал: „Нашиот Бог, помогни им на студентите и патриотите. Заштити ги од замките на криминалците. Уништи ги угнетувачите меѓу себе.“
Во друга објава имамот оди понатаму и користи клетви:
„Нека ги проколне Бог предавниците. Нека ги заштити Бог Албанците. Нека ја благослови Бог Албанија.“
Иако Бајрами не го спомнува експлицитно Еди Рама, пораките се објавени во контекст на протестите што започнаа на 13 октомври и бараат смена на албанскиот премиер анализира Национале. Протестите беа проследени со насилни судири, оштетувања на институции, повредени и апсења.
Вклучувањето на религиозниот предавач во овој политички судир, особено преку клетви, ги поставува прашањата за границата меѓу верскиот авторитет и политичкиот активизам.