Екс министерот за финансии и политички аналитичар Џевдет Хајредини преку социјалните мрежи потсетува од каде му се парите на екс премиерот Вчадо Бучковски за да стане бизнисмен.
Хајредини цитира извор според кој поранешниот премиер и специјален владин претставник за олеснување на затегнатите односи со Бугарија, Владо Бучковски, кој презема фирма и стана бизнисмен предходно добил огромно мито од Телеком оператор.
,,Познато е дека првите 2,5 милиони, исто како и на Али (Ахмети) и Муса (Џафери), им се од ТЕЛЕКОМ”, пишува Хајредини.
Во Post Scriputum Хајредини додава дека аферите со митото на ТЕЛЕКОМ, детално ги опишува тогашниот министер за финансии, Петар Гошев, во обемната анализа под индикативен наслов “Моите соочувања со гангстерите од Будимпешта” и поднаслов “Телеком”, или case study за пљачкосувањето на Македонија”.
За случајот Телеком во САД имаше и казни за директорите на Маџар Телеком но во Македонија никогаш не беа досудени казни за екс премиерот, лидерот на ДУИ Ахмети и екс министерот а сега пратеник Муса Џафери.
Во САД случајот беше пресуден во 2017, во Македонија застаре во 2023 година, по 12 години судење. Застаре поради измените во Кривичниот закон донесени од парламентарното мнозинство.
Поранешните директори на „Маѓар телеком“, Елег Штрауб, Андраш Балог и Тамаш Морваи се спогодија со Американската комисија за хартии од вредност: платија високи парични казни и добија забрана да вршат дејност поради тоа што подмитиле македонски владини функционери во периодот од 2004 до 2006 година, со 7,5 милиони евра, за да ја одложат либерализацијата на телекомуникацискиот пазар.
Ексразузнавачот Слободан Богоевски, пред судот во Њујорк, функционерите ги идентификува како Владо Бучковски, Али Ахмети и Муса Џафери.
Бучковски, Ахмети и Џафери досега не излегоа со демант на статусот на Хајредини.