Паоло Палминтери, амбасадор на Италија во Македонија, му порача на Скопје дека Европската унија не може да му даде гаранции дека нема да има понатамошни блокади од Бугарија на патот кон членството.
„Не постои правна или политичка гаранција која може да се даде, бидејќи процесот на проширување е со кластери, поглавја и мерила за овие поглавја. Тоа е многу комплицирано и секој чекор бара едногласност од европска страна, што значи дека секоја гаранција до одреден степен ќе има мала вредност. Најдобра гаранција би била поинаква клима на доверба меѓу Северна Македонија и нејзиниот сосед“, изјави Палминтери во интервју за ТВ 24.