Поранешниот министер за надворешни работи Никола Димитров ги коментира последните раздвижувања околу членството на Македонија во Европската унија.
„Нашата перспектива за ваквите идеи, по сите овие години како земја кандидат, колку сме направиле, за 21 година? Мислам дека каков и да е конкретен чекор кон ЕУ е подобар од статус-кво. Сè што би ни дало пристап, особено до кохезиони фондови, до некаква секторска интеграција, сè е подобро од статус-кво“, изјави Димитров во „Топ тема“ на ТВ Телма во врска со идеите за членство без право на вето.