Македонија

Европско Првенство во Модерен, Џез и Класичен Балет 2026 во Скопје

Скопје ќе биде домаќин на едно од најпрестижните танцови случувања во Европа

Скопје ќе биде домаќин на едно од најпрестижните танцови случувања во Европа – Европското првенство во модерен, џез и класичен балет 2026, кое ќе се одржи од 21 до 29 октомври 2026 година во Спортскиот Центар „Борис Трајковски“. Студиото „Брејк А Лег“ како официјлен организатор на настанот, најавува спектакл со учество на над 3.500 натпреварувачи од најмалку 30 европски земји. Слоганот на самото првенство е – Место каде што елеганцијата се среќава со традицијата. Нашата Македонија е простор каде убавината и традицијата живеат рамо до рамо. Од вековни манастири до величествени планини, од топлината на македонското гостопримство до ритамот на народниот танц — Македонија нуди повеќе од сцена, таа нуди приказна.

За потребите на промотивните активности е создадено едно од неколкуте промотивни видеа кои ќе бидат снимени и објавувани до оджувањето на самото првенство. Главната улога во првото видео ја има Стефанија Гаштарска, првата македонска балерина која настапувала на сцената на Болшој театарот во Москва. Нејзиниот настап го носи духот на првенството – елеганција, сила и македонската гордост. Видеото е дело на Ненад Смиљковиќ во продукција на студиото „Брејк А Лег“ и е проследено со музика од Александар Јовевски, автор на композицијата „Игра на инструментите“, чиј звук ја истакнува магијата и културното наследство на Македонија. Атмосферата дополнително е збогатена со присуството на фолклорни играчи кои се симболот на македонската традиција.

https://www.youtube.com/watch?v=wAK1jwNCKEo

„По огромниот успех со Светското Првенство во ХипХоп во 2024 година, странските учесници и гости со нетрпение го очекуваат следниот голем настан во Македонија. Европското првенство има за цел да ја мотивира младата популација да се занимава со танцот како уметност и спортска дисциплина и дополнително да го поттикне секторот во Македонија, кој веќе е на високо ниво. Стефанија Гаштарска е дел од визијата за ова првенство – таа е една од најуспешните балетски играчи надвор од Македонија, врвен талент со кој сите можеме да се гордееме. Маркетинг агенцијата Пипл Медиа која ќе биде одговорна за маркетингот и односите со јавност на самото првенство, бидејки изминативе неколку години се покажаа како врвни професионалци во делот на организацијата и промоцијата на сите танцови случувања кои се организирани од страна на студиото „Брејк А Лег“. Убеден сум дека оваа комбинација ќе создаде уште едно првенство што ќе ја вброи Македонија меѓу најпосакуваните европски дестинации“ изјави– Трајче Петковски од студиото „Брејка А Лег“ организатор.

„Европското првенство во модерен, џез и класичен балет 2026 во Скопје претставува вистински предизвик, но и голема можност за Македонија да се позиционира како културен и уметнички центар во Европа. Очекувани се илјадници гости, натпреварувачи, тренери и љубители на танцот, кои ќе го почувствуваат духот на Скопје и ќе ја откријат убавината на нашата земја. Програмата ќе опфати девет дена исполнети со настапи на најталентираните балетски и џез танчари на континентот, со спектакуларни сцени и изведби кои ќе ја истакнат важноста на танцот како современа уметност и спортска дисциплина. Покрај натпреварите, на посетителите ќе им бидат понудени културни и туристички содржини, со што Македонија ќе биде прикажана во своето најубаво светло“. Организаторите истакнуваат дека целта е да се создаде настан кој ќе остане запаметен по својата уметничка и организациска вредност. Со поддршката од институциите, соработката со професионални партнери и огромната енергија на младите танчари, Скопје ќе стане европска престолнина на танцот во октомври 2026 година – изјави Андријана Петковска од студиото „Брејка А Лег“ организатор.

Најнови вести од: Македонија

Дали навистина Али Ахмети „сериозно размислува да се повлече од политиката по вториот круг на изборите“, или сѐ ќе стори да го одложи „политичкото пензионирање“?!

Веќе денешната седница на Централното претседателство на ДУИ, која ја свика Ахмети, ќе покаже во која насока ќе се движат неговите натамошни потези, откако тој и ДУИ доживеаја тежок пораз во првиот круг на локалните избори: дали конечно ќе го прифати „решението“ за „заминување во политичка пензија“, кое му го „напишаа“ гласачите-Албанци во Македонија на 19 октомври, или ќе се обиде да остане барем уште некое време на политичката сцена?

Али Ахмети свика за утре седница на Централното претседателство на ДУИ – ќе се анализираат резултатите од изборите

Шефот на „интегративците“ утре ќе го прекине четиридневниот молк по дебаклот, што го доживеаја тој и неговата партија ДУИ и опозициската коалиција Национална алијанса за интеграција. Дали Ахмети и ДУИ ќе го прифатат и ќе го признаат поразот во првиот изборен круг?

Кандидатот на НАИ за градоначалник на Тетово Реџепи објави фотографија со Али Ахмети, „неколку дена по изборите“, пишува „Тетова сот“

Али Ахмети не се појавил лично во јавноста веќе четврти ден, откако заврши првиот круг на локалните избори кога ДУИ и нивната опозициска коалиција Национална алијанса за интеграција доживеаја дебакл.

Се отвораат нови линии – Договор со Обединетото Кралство за авио-сообраќај

Договорот за редовен воздушен сообраќај помеѓу Македонија и Велика Британија се потпиша на иницијатива на Велика Британија и претставува нова правна рамка со која се уредуваат односите во делот на редовниот воздушен сообраќај помеѓу двете земји.

(Фото): Дератизација, чистење и нов систем за собирање отпад – Општина Центар со вонреден еко-план

Општина Центар воведе вонредни мерки за справување со наталожениот смет и зголемената појава на глодари, најавувајќи итна дератизација, поставување нови пунктови за отпад и вклучување на сите општински служби во акција за чистење.

Најнови вести

To top